Ghashiram Kotwal (filme)

Ghashiram Kotwal
Ficha técnica
Título orixinal	घासीराम कोतवाल
Director	K. Hariharan; Mani Kaul; Saeed Akhtar Mirza; Kamal Swaroop
Produtor	YUKT Film Cooperative
Guión	Vijay Tendulkar
Baseado en	Ghashiram Kotwal de Vijay Tendulkar
Intérpretes	Mohan Agashe; Om Puri
Música	Bhaskar Chandavarkar
Fotografía	Rajesh Joshi; Binod Pradhan; Manmohan Singh
Estrea	1976; 13 de abril de 2021 (CGAI)
Duración	108 minutos
Orixe	India
Orzamento	1 050 000 rupias
Na rede

Ghashiram Kotwal (en marathi: घासीराम कोतवाल) é un filme indio de 1976 en lingua marathi dirixido por K. Hariharan, Mani Kaul, Saeed Akhtar Mirza e Kamal Swaroop. É unha adaptación da obra homónima de Vijay Tendulkar, quen tamén escribiu o guión. Creado no apoxeo do movemento cinema paralelo na India, o filme foi un experimento na realización de filmes colectivas..^[1] Foi producido por YUKT Film Cooperative, un colectivo de dezaseis membros composto na súa maioría por graduados da Film and Television Institute of India. O papel protagonista que dá título ao filme foi interpretado por Om Puri, na súa primeira aparición nunha longametraxe. A toma final do filme ten unha duración de máis de dez minutos. Segundo K. Hariharan, un dos catro directores, esta toma é única na historia do cinema por ser "a toma máis longa do mundo nun carrete estándar de 1000 pés en ser filmada por catro operadores de cámara".^[1]