General Motors
General Motors Company, polo xeral denominada General Motors (GM), é unha empresa multinacional estadounidense con sede en Detroit que deseña, fabrica, comercializa e distribúe vehículos, e pezas, e mais tamén vende servizos financeiros. GM produce automóbiles e camións en 35 países. A compañía fundouna William C. Durant o 16 de setembro de 1908, e foi o meirande fabricante de automóbiles de 1931 a 2007.[1]
| General Motors Company | |
|---|---|
.svg&lang=gl) | |
 Sede de General Motors en Detroit. | |
| Fundación | 16 de setembro de 1908 |
| Localización | Detroit, Míchigan,  Estados Unidos |
| Fundador | William C. Durant Charles Stewart Mott Frederic L. Smith |
| Industria | Automotriz |
| Número de empregados | 180 000 (decembro de 2017) |
| Na rede | |
| https://www.gm.com/ e https://www.gm.ca/ | |
    | |
| [ editar datos en Wikidata ] | |
Características
editarNo ano 2008 vendeu 8.350.000[2] vehículos, acadando os 10 millóns en 2016.[3]. As marcas actuais que comercializa son Baojun, Buick, Cadillac, Chevrolet, GMC, Holden e Wuling. No pasado tamén comercializou Daewoo, McLaughlin, Oakland, Oldsmobile, Pontiac, Hummer, Saab, Saturn, así como Vauxhall e Opel (esta última mercada polo Grupo PSA en 2017).
As partes e accesorios de vehículos comercialízanse baixo as marcas GM Performance Parts, GM Goodwrench e ACDelco nos concesionarios de General Motors a través de GM Service and Parts Operations. Os motores e transmisións subminístraos GM Powertrain. GM tamén conta cunha sección comercial para créditos e seguros por medio do GMAC Financial Services; tamén ofrece un servizo de seguridade, información e seguridade a través da súa filial OnStar.
A actual compañía, General Motors Company ("nova GM") formouse en 2009 logo da creba de General Motors Corporation ("vella GM"), que se converteu en Motors Liquidation Company. A nova empresa mercou a maioría dos activos da vella GM, incluíndo "General Motors".
Notas
editar- ↑ Marr, Kendra (22 de xaneiro de 2009). "Toyota Passes GM as World's Largest Automaker". The Washington Post.
- ↑ Media.gm.com, ed. (21 de xaneiro de 2009). "GM Media Online". Arquivado dende o orixinal o 23 de abril de 2009. Consultado o June 1, 2009.
- ↑ Isidore, Chris. CNN, ed. "GM sells 10 million cars for first time thanks to China". Consultado o A 3 de abril de 2018.