Gayatri Chakravorty Spivak
Gayatri Chakravorty Spivak, nada en Calcuta o 24 de febreiro de 1942, é unha pensadora, teórica literaria e feminista crítica india.[1] experta en crítica literaria e en teoría da literatura, autora dun texto fundamental na corrente poscolonialista, "Poden falar os subalternos?", así como dunha famosa tradución ó inglés do libro De la grammatologie, do teórico deconstrutivista Jacques Derrida. É profesora na Universidade de Columbia,[2] nos Estados Unidos, e unha asidua conferenciante en todo o mundo.
Estudos universitarios editar
Graduouse con mención especial en inglés pola Universidade de Calcuta en 1959, despois do cal completou un mestrado na Universidade Cornell, nos Estados Unidos. Acabou a súa tese de doutoramento mentres exercía de profesora na Universidade de Iowa, cunha disertación sobre o poeta irlandés William Butler Yeats dirixida por Paul de Man.
Notas editar
- ↑ "Spivak, Gayatri." Encyclopædia Britannica. Encyclopædia Britannica Ultimate Reference Suite. Chicago: Encyclopædia Britannica, 2014.
- ↑ "Gayatri Chakravorty Spivak". Department of English and Comparative Literature. Columbia University in the City of New York. Consultado o 22 de marzo de 2016.