Ganímedes (mitoloxía)

Para outras páxinas con títulos homónimos véxase: Ganímedes.

Ganímedes identifícase na mitoloxía grega como un fermoso príncipe troiano.

Zeus en forma de aguia raptando a Ganímedes

Lenda

Mentres se atopaba no seu período de instrución no campo cazando, coidando ovellas e ensinado por varios titores, Zeus namorouse del e converténdose en aguia baixou voando do monte Olimpo e raptou a Ganímedes. Xa no Olimpo Ganímedes foi nomeado copeiro dos deuses. Como compensación Zeus mandou ao seu pai os dous cabalos mais veloces do mundo e que podían correr pola auga. Como pago polos seus servizos Ganímedes foi feito inmortal e ascendido os ceos na forma da constelación de Acuario.