Gammaglobulina

(Redirección desde «Gamma globulina»)

As gammaglobulinas son un tipo de proteínas globulinas, identificadas pola posición que ocupan ao realizar unha electroforese de proteínas séricas.[1][2] As proteínas globulares presentes no soro sanguíneo que migran á rexión gamma (por teren carga eléctrica positiva) nunha electroforese denomínanse gammaglobulinas. As gammaglobulinas máis importantes son as inmunoglobulinas (anticorpos), aínda que algunhas inmunoglobulinas non son gammaglobulinas (non se illan na fracción sérica das gammaglobulinas), e non todas as globulinas son inmunoglobulinas.

Representación esquemática dos resultados dunha electroforese de proteínas en xel do plasma sanguíneo.

Uso como tratamento médico editar

As inxeccións de gammaglobulinas utilízanse xeralmente para intentar potenciar temporalmente a inmunidade dun paciente contra certas enfermidades. Utilizáronse contra a hepatite A[3] (tratamento menos frecuente actualmente desde que hai vacina) ou sarampelo[4], como preparación antes dun transplante de riles[5], en pacientes con inmunodeficiencias (como os que teñen agammaglobulinemia asociada ao X ou síndrome de hiper-IgM)[6] ou outras doenzas inmunolóxicas, como a púrpura trombocitopénica idiopática[7]. Tamén na enfermidade de Kawasaki.[8]

Patoloxía editar

O exceso de gammaglobulinas denomínase hipergammaglobulinemia e a deficiencia hipogammaglobulinemia.

Unha doenza que afecta ás gammaglobulinas denomínase "gammopatía", por exemplo a gammopatía monoclonal de importancia indeterminada.

Notas editar

  1. S. Ramakrishnan (October 2004). Textbook of Medical Biochemistry. Orient Blackswan. pp. 157–. ISBN 978-81-250-2071-4. 
  2. Allan Gaw; Michael Murphy; Rajeev Srivastava, Robert A. Cowan, Denis St. J. O'Reilly (7 June 2013). Clinical Biochemistry E-Book: An Illustrated Colour Text. Elsevier Health Sciences. pp. 52–. ISBN 978-0-7020-5414-3. 
  3. Charles I. Leftwich. Prevention of infectious hapatitis by gamma globulin. Calif Med. 1954 Sep; 81(3): 226–229. PMCID PMC1532125. [1]
  4. Antibodies for preventing measles after exposure. Cochrane Database of Systematic Reviews: Plain Language Summaries. First published: April 1, 2014. PMID 24687262
  5. "Multi-center Study Finds Therapy Boosts Kidney Transplants In 'Highly Sensitized' Patients". 
  6. Terry W Chin et al. Agammaglobulinemia Medication. Medscape. [2] Updated: May 06, 2014.
  7. Arsinur Oral, Jacob Nusbacher, John B. Hill, Jessica H. Lewis. Intravenous gamma globulin in the treatment of chronic idiopathic thrombocytopenic purpura in adults. The American Journal of Medicine. Volume 76, Issue 3, Part 1, 30 March 1984, Pages 187-192 [3] [4]
  8. Harada K. Intravenous gamma-globulin treatment in Kawasaki disease. Acta Paediatr Jpn. 1991 Dec;33(6):805-10. PMID 1801561

Véxase tamén editar

Outros artigos editar

Ligazóns externas editar