Gabriel Aragón
Gabriel Aragón Bermúdez, máis coñecido como Gaby, nado en Madrid o 3 de xullo de 1920 e finado na mesma cidade o 10 de xaneiro de 1995, foi un pallaso e saxofonista español, membro do trío Gaby, Fofó e Miliki.[1]
| Biografía | |
|---|---|
| Nacemento | (es) Gabriel Aragón Bermúdez  3 de xullo de 1920 Madrid, España |
| Morte | 10 de xaneiro de 1995 (74 anos) Madrid, España |
| Causa da morte | Doenza cardiovascular |
| Datos persoais | |
| Outros nomes | Gaby Homobono |
| País de nacionalidade | España |
| Actividade | |
| Ocupación | Pallaso , artista de circo , saxofonista , presentador de televisión |
| Período de actividade | 1934 - 1993 |
| Membro de | |
| Lingua | Lingua castelá |
| Instrumento | Saxofone soprano (pt)  |
| Familia | |
| Familia | Family Aragón (en) |
| Fillos | Lara Aragón (en) |
| Pais | Emilio Aragón Foureaux (en) e Rocío Bermúdez Contreras (en) |
| Irmáns | Emilio Aragón Bermúdez |
Premios | |
    | |
Biografía editar
Fillo do pallaso Emilio Aragón Foureaux, pertencía a unha familia de longa tradición no mundo do circo. Era sobriño do dúo de pallasos Pompoff e Thedy. Con eses antecedentes, el mesmo, xunto ao seu irmán Alfonso Fofó, aos que pronto se uniría o terceiro irmán Emilio Miliki, comezou a súa carreira artística cando aínda era un adolescente durante a Guerra civil española, actuando en lugares como o London Bar de Barcelona ou o Café Victoria de Madrid.
En 1946 emigrou a América cos seus irmáns, e alí triunfou na televisión, primeiro en Cuba e a partir de 1970 na Arxentina.
En 1972 os tres irmáns regresan a España e en 1973 estréase o seu programa en Televisión Española El Gran Circo de TVE, que se mantén en pantalla ata 1983 conseguindo un enorme éxito.
Logo da retirada do programa, Miliki saíu do grupo e Gabriel Aragón continuou actuando cos seus sobriños Fofito e Rody ata 1985. Máis adiante formou con seis dos seus dez fillos o Grupo de pallasos Os Gabytos, cos que seguiu traballando entre 1987 e 1993, a menos dun ano do seu falecemento.
Carácter do personaxe editar
No trío de pallasos, Gaby representaba o personaxe do Clown, fronte aos seus irmáns Fofó e Miliki, augusto e contraugusto respectivamente. Asumía pois o papel do "listo" do grupo, que con todo sempre terminaba escaldado coas bromas dos seus compañeiros. Vestido sempre con impecable levita negra, o seu personaxe, intérprete de saxofón, adoptaba un aire serio e pretendía adoptar o rol de líder do grupo, sempre con catastróficos resultados.
Premios editar
Gabriel Aragón recibiu, xunto aos seus irmáns, o Premio TP de Ouro de 1974 ao Personaxe máis popular da televisión e en 1995, a título póstumo, o TP de Ouro pola súa traxectoria artística.
Notas editar
- ↑ Antonio Tausiet. "Los payasos de la tele. Orígenes". Consultado o 10-03-2012.