Francis Lorenzo

Francisco Javier Lorenzo Torres, máis coñecido como Francis Lorenzo, nado en Pontevedra o 24 de setembro de 1960, é un actor galego.

Francis Lorenzo
Nome completo	Francisco Javier Lorenzo Torres
Nacemento	1 de xaneiro de 1961 e 1 de xaneiro de 1960
Lugar	Pontevedra
Nacionalidade	España
Fillos	Javier e Miguel
Profesión	presentador, actor, xornalista e presentador de televisión
Na rede
[ editar datos en Wikidata ]

Biografía

Actor de extensa traxectoria cinematográfica. Traballou ás ordes de directores como José Luis Cuerda, Vicente Aranda, Agustín Díaz Yanes, Icíar Bollaín ou Jaime Chávarri.

Nos últimos anos dedicouse máis á televisión, onde interpretou papeis fixos en series de éxito como Canguros, Médico de familia, Compañeros ou Mis adorables vecinos. Neste medio tamén probou sorte como presentador, abandonando Médico de familia en pleno éxito para conducir o late-night Efecto F, co que non puido conseguir os mesmos resultados.

O seu último traballo en cine foi Tiovivo c. 1950 dirixida por José Luis Garci.

En 2009 regresa á televisión coa exitosa serie Águila Roja e en 2014 participou en Códice, miniserie para a TVG baseada na historia do furto do Códice Calixtino.

Filmografía

Longametraxes

• Las cosas del querer (1989), de Jaime Chávarri.
• Terranova (1990) (TV), de Ferran Llagostera.
• Un paraguas para tres (1992), de Felipe Vega. Como César "O americano".
• Huídos (1993), de Sancho Gracia.
• Tocando fondo (1993), de José Luis Cuerda. Como Luis Enrique.
• Tirano Banderas (1993), de José Luis García Sánchez.
• El detective y la muerte (1994), de Gonzalo Suárez. Como Don Luis.
• Cómo ser infeliz y disfrutarlo (1994), de Enrique Urbizu. Como Diego.
• La pasión turca (1994), de Vicente Aranda. Como Marcelo.
• Nadie hablará de nosotras cuando hayamos muerto (1995), de Agustín Díaz Yanes. Como Home.
• Mar de luna (1995), de Manolo Matji.
• El rey del río (1995), de Manuel Gutiérrez Aragón. Como Marco.
• El seductor (1995), de José Luis García Sánchez. Como Manolo.
• Antártida (1995), de Manuel Huerga. Como Inspector.
• Sabor latino (1996), de Pedro Carvajal. Como Marcos.
• Corsarios del chip (1996), de Rafael Alcázar. Como De la Torre.
• Gran Slalom (1996), de Jaime Chávarri. Como Gálvez.
• Black (1998), de Héctor Barca. Como Roger Spivey.
• El florido pensil (2002), de Juan José Porto. Como Roberto Alcázar.
• El año del diluvio (2004), de Jaime Chávarri. Como Moisés.
• Tiovivo c. 1950 (2004), de José Luis Garci. Como Paco.

Curtametraxes

• Un café de ollos verdes (1992), de Antonio F. Simón. Como Antxón.
• Los amigos del muerto (1993), de Icíar Bollaín. Como amigo.
• Sitcom show (1996), de Ángel de la Cruz.

Televisión

• ¡Por fin solos!. Como Teddy. Antena 3.
• Canguros. Como Fermín. Antena 3.
• Médico de familia (1995-1996). Telecinco.
• Compañeros (1998-2002). Como Alfredo Torán. Antena 3.
• Mis adorables vecinos (2004-2006). Como Ernesto Sandoval. Antena 3.
• Águila Roja (2009). Como Comisario. La 1.
• El ángel de Budapest (2011). Como Ángel Sanz Briz. La 1.
• Códice (2014). Como Comisario Dávila. TVG.
• Hospital Real (2015). Como Leopoldo Álvarez de Castro, Duque de Bastavales. TVG.