François Alexandre Pierre de Garsault
François Alexandre Pierre de Garsault, nado o 16 de abril de 1691 en Aix-en-Provence, e finado o 3 de agosto de 1778 en París, foi un botánico, zoólogo e ilustrador francés, que foi membro da Academia Francesa das Ciencias.
 | |
| Biografía | |
|---|---|
| Nacemento | 16 de abril de 1691 Aix-en-Provence |
| Morte | 3 de agosto de 1778 París |
| Datos persoais | |
| País de nacionalidade | francesa |
| Actividade | |
| Campo de traballo | Botánica  |
| Ocupación | botánico, zoólogo |
| Membro de | |
| Lingua | Lingua francesa |
| Obra | |
| Abreviación dun autor en botánica | Garsault |
| Premios | |
| Membro da Academia Francesa das Ciencias | |
Traxectoria editar
François-Alexandre de Garsault reibiu unha educación moi completa que lle permitiu escribir sobre unha ampla variedade de asuntos. Publicou varios libros sobre o tema ecuestre. Le Nouveau Parfait Maréchal, un traballo popular sobre o cabalo publicado en 1741, para o que tamén debuxa ilustracións, tivo un grande éxito durante o século XVIII.
Dotado cunha boa cultura científica, publicou tamén escritos sobre botánica (por exemplo, estaba moi interesado nas pteridófitas e nas espermatófitas),[1] e zooloxía, especialmente Figures des plantes et animaux d'usage en médecine en 1764. Participou en numerosas obras para o Academia das Ciencias de Francia sobre varios ofiocios.[2]
François-Alexandre de Garsault publicou numersoas obras co seu nome, ilustrou as obras científicas doutros autores e traduciu unha obra do inglés.
Algunhas das súas obras foron traducidas ao español, ao alemán e ao inglés.
Algunhas publicacións editar
- 1764 - Le Nouveau Parfait Maréchal. 5 vols. [xxxiv: prefacio, táboas, aprobación, privilexios], 641 pp.; retrato de Garsault en frontispicio, 29 pranchas gravadas, 20 pranchas botánicas.
- 1767 - Les figures des plantes et animaux d'usage en médecine.
- 1769 - Art du tailleur. Ed. imp. de Delatour. 60 pp.-17 pl. Catálogo de arte en liña Frontispicio da obra.
Taxons descritos editar
- Bufo Garsault, 1764
- Coturnix Garsault, 1764
- Cygnus Garsault, 1764
- Salamandra Garsault, 1764
Abreviatura editar
A abreviatura Garsault emprégase para recoñecer a François Alexandre Pierre de Garsault como autoridade na descrición e clasificación científica en botánica,[3] e en zooloxía.
Notas editar
- ↑ Garsault, François Alexandre Pierre de (1691-1778) no sitio do International Plant Names Index. Consultada o 19 de xaneiro dde 2019.
- ↑ Garsault, François-Alexandre-Pierre de (1777): L'art du bourrelier et du sellier. Consultado o 19 de xaneiro de 2019.
- ↑ Garsault, François Alexandre Pierre de (1691-1778) no IPNI.
Véxase tamén editar
Wikimedia Commons ten máis contidos multimedia na categoría: François Alexandre Pierre de Garsault  |
| Wikispecies posúe unha páxina sobre: François Alexandre Pierre de Garsault |