Wikipedia

Fidel Castro Díaz-Balart

físico nuclear cubano (1949-2018)

Fidel Ángel Castro Díaz-Balart, nado na Habana o 1 de setembro de 1949 e finado na mesma cidade o 1 de febreiro de 2018, foi un físico nuclear cubano. Coñecido tamén co diminutivo Fidelito,[1] era o fillo máis vello do presidente cubano Fidel Castro e da súa primeira esposa, Mirta Díaz-Balart.[2][3][4]

Infotaula de personaFidel Castro Díaz-Balart

Editar o valor em Wikidata
Biografía
Nacemento(es) Fidel Ángel Castro Díaz-Balart Editar o valor em Wikidata
1 de setembro de 1949 Editar o valor em Wikidata
A Habana (República de Cuba) Editar o valor em Wikidata
Morte1 de febreiro de 2018 Editar o valor em Wikidata (68 anos)
A Habana, Cuba Editar o valor em Wikidata
Causa da morteSuicidio Editar o valor em Wikidata
Datos persoais
País de nacionalidadeCuba Editar o valor em Wikidata
EducaciónUniversidade Estatal de Moscova
Voronezh State University (en) Traducir Editar o valor em Wikidata
Actividade
Campo de traballoFísica nuclear Editar o valor em Wikidata
Ocupaciónfísico , político , científico nuclear Editar o valor em Wikidata
Familia
FillosMirta María Castro Smirnova (en) Traducir Editar o valor em Wikidata
PaisFidel Castro Editar o valor em Wikidata  e Mirta Díaz-Balart Editar o valor em Wikidata
IrmánsAlina Fernández e Mirta Núñez (pt) Traducir Editar o valor em Wikidata
Premios
WikiTree: Castro_Díaz-Balart-1 Find a Grave: 187032164 Editar o valor em Wikidata

Traxectoria editar

 
Castro Díaz-Balart (esquerda) co Presidente de México Enrique Peña Nieto, o 28 de xaneiro de 2014, no 2º Cumio da CELAC, na Habana.

Nado en 1949, seus pais, Fidel Castro e Mirta Díaz-Balart, divorciáronse en 1955, uns anos antes da Revolución cubana na que Fidel Castro chegou ao poder. A súa nai mudouse a Miami, coa familia Diaz-Balart, levando ao seu fillo con ela. Regresou de neno a Cuba para visitar o seu pai e xa quedou alí o resto da súa infancia.[5] En 1959, con 9 anos, apareceu na televisión estadounidense durante unha entrevista a seu pai.[6]

Posteriormente trasladouse a Moscova (capital daquela da Unión Soviética), onde se matriculou na Universidade Estatal de Voronezh en 1968.[7] Por seguridade, estudou co nome de "José Raúl Fernández",[8] nome que elixiu segundo el, en homenaxe ao campión mundial de xadrez José Raúl Capablanca. Posteriormente usou ese nome para publicar uns 30 traballos científicos.[9] Nun principio estudou educación física antes de pasar á física nuclear en 1970.[7] Graduouse na Universidade Estatal Lomonosov de Moscova e continuou traballando no Instituto Central de Investigacións Nucleares de Dubna, doutorándose por primeira vez en 1978.[10][7] De regreso a Cuba, dirixiu durante un tempo o programa de enerxía nuclear de Cuba, liderando o programa de construción da central nuclear Juragua desde 1980 ata 1992, tempo no que foi tamén secretario executivo da Comisión de Enerxía Atómica do país.[11] Foi destituído dos seus cargos en xuño de 1992, pouco antes de suspenderse a construción de Juragua.[12]

Regresou entón a estudar a Moscova e en 1999 obtivo un segundo doutoramento no Instituto Kurchatov de Enerxía Atómica.[7] Na década de 2010 recuperou protagonismo en Cuba, exercendo como asesor científico do Consello de Estado, e como vicepresidente da Academia de Ciencias de Cuba.[13][14] Ao longo da súa carreira, publicou numerosos artigos sobre o papel da enerxía nuclear no desenvolvemento.[15]

En abril de 2014 visitou Rusia para declarar o recoñecemento de Cuba á anexión de Crimea por parte da Federación Rusa, recibindo tamén un doutoramento honoris causa na Universidade Estatal de Voronezh.[7]

Suicidio editar

Suicidouse na Habana o 1 de febreiro de 2018, aos 68 anos.[11] Anteriormente estivera a tratamento por depresión.[16][17][18] No momento do seu suicidio, ocupaba os seus cargos na Academia de Ciencias de Cuba e no Consello de Estado.[14]

Familia editar

Tivo tres fillos -Mirta María, Fidel Antonio e José Raúl- con Natasha Smirnova, a quen coñeceu en Rusia. Despois de divorciarse de Smirnova, casou coa cubana María Victoria Barreiro.[19]

Obra editar

  • Ciencia, innovación y futuro (2002).
  • Energía nuclear y desarrollo: realidades y desafíos en los umbrales del siglo XXI (1991).
  • Espacio y tiempo en la filosofía y la física (1990).
  • Ciencia, tecnología y sociedad: hacia un desarrollo sostenible en la era de la globalización (2003).

Notas editar

  1. ↑ "FIDEL CASTRO Díaz-Balart, “FIDELITO”. History of Fidel Castro Ruz first-born son" (en inglés). 27 de novembro de 2017. Consultado o 12 de setembro de 2021. 
  2. ↑ "Who Was Fidel Castro Díaz-Balart? Oldest Son of Deceased Leader Fidel Castro Committed Suicide". Newsweek (en inglés). 1 de febreiro de 2018. Consultado o 12 de setembro de 2021. 
  3. ↑ "Hidden wives, mistresses and kids: Fidel Castro’s secret life" (en inglés). 20 de marzo de 2016. Consultado o 12 de setembro de 2021. 
  4. ↑ "Hamburgs Wirtschaftssenator zu Besuch bei Fidel Castros Sohn". Hamburger Abendblatt (en alemán). 2 de decembro de 2015. Consultado o 12 de setembro de 2021. 
  5. ↑ "Cuba: Fidel Castro's son 'takes own life'". BBC (en inglés). 1 de febreiro de 2018. Consultado o 12 de setembro de 2021. 
  6. ↑ Entrevista a Fidel en 1959 (Youtube) (en inglés). 1959. 
  7. ↑ 7,0 7,1 7,2 7,3 7,4 "Visiting Russia, Fidel Castro's Son Scoffs at U.S. Sanctions Over Crimea". The Moscow Times (en inglés). 31 de marzo de 2014. Consultado o 12 de setembro de 2021. 
  8. ↑ ""Fidelito" ist tot" (en alemán). 2 de febreiro de 2018. Consultado o 12 de setembro de 2021. 
  9. ↑ Stone, Richard (2 de febreiro de 2018). "Fidel Castro's eldest son, a physicist, is victim of apparent suicide". Science (en inglés). doi:10.1126/science.aat2018. 
  10. ↑ "Fidel Jr. Back in the News" (en inglés). 30 de marzo de 2015. Consultado o 12 de setembro de 2021. 
  11. ↑ 11,0 11,1 "Se suicida Fidel Castro Díaz-Balart, hijo mayor del expresidente de Cuba". BBC Mundo (en castelán). 2 de febreiro de 2018. Consultado o 12 de setembro de 2021. 
  12. ↑ "Cuba Cancels Atom Plant, Blaming Costs and Russians". The New York Times (en inglés). 7 de setembro de 1992. Consultado o 12 de setembro de 2021. 
  13. ↑ "Falleció el compañero Fidel Castro Díaz–Balart". Granma (en castelán). 1 de febreiro de 2018. Consultado o 12 de setembro de 2021. 
  14. ↑ 14,0 14,1 "Fidel Castro's eldest son 'Fidelito' commits suicide" (en inglés). Reuters. 2 de febreiro de 2018. Consultado o 12 de setembro de 2021. 
  15. ↑ "Fidel Castro’s eldest son commits suicide" (en inglés). 2 de febreiro de 2018. Consultado o 12 de setembro de 2021. 
  16. ↑ "Fidel Castro's eldest son takes own life, state media reports" (en inglés). 1 de febreiro de 2018. Consultado o 12 de setembro de 2021. 
  17. ↑ "Fidel Castro's eldest son kills himself, Cuban state media reports". The Guardian (en inglés). 2 de febreiro de 2018. Consultado o 12 de setembro de 2021. 
  18. ↑ "'Fidelito' dead: Fidel Castro's eldest son, scientist Fidel Castro Díaz–Balart, dies aged 68" (en inglés). 2 de febreiro de 2018. Consultado o 12 de setembro de 2021. 
  19. ↑ "Fidel Castro’s oldest son commits suicide after battle with depression" (en castelán). 2 de febreiro de 2018. Consultado o 12 de setembro de 2021. 

Véxase tamén editar

Ligazóns externas editar

Traído desde «https://gl.wikipedia.org/w/index.php?title=Fidel_Castro_Díaz-Balart&oldid=6610567»