"A intervención arqueolóxica realizada permitiu constatar a existencia dun xacemento de época castrexa neste lugar. A escavación das sondaxes do ano 2006 permitiu localizar un importante conxunto de materiais arqueolóxicos, en total 446 pezas. Trátase, en xeral, dun grupo bastante homoxéneo constituído principalmente por cerámica prehistórica elaborada á man. Todas as características mencionadas fan deste conxunto unha cerámica tipicamente castrexa que proporcionaría unha cronoloxía que nos sitúa entre o século V a. C. e o cambio de era."