Fernando Cortés Bugía

Fernando Cortés Bugía, nado en Betanzos o 15 de decembro de 1874 e finado na Coruña o 25 de marzo de 1948, foi un pintor, escultor e debuxante galego.

Fernando Cortés Bugía
Nacemento	15 de decembro de 1874
Lugar de nacemento	Betanzos
Falecemento	25 de marzo de 1948
Lugar de falecemento	A Coruña
Nacionalidade	España
Alma máter	Escola de Arte e Superior de Deseño Pablo Picasso (EASD)
Ocupación	escultor, pintor, debuxante, mestre e político
[ editar datos en Wikidata ]

Traxectoria

De pé, de esquerda a dereita: Sebastián González, Eladio Rodríguez González, Enrique Peinador, Gonzalo López Abente, Pura González Varela (muller de Lugrís), Celia Brañas Fernández, Otero Pedrayo, David Fernández Diéguez, Ángel del Castillo e Fernando Cortés Bugía. Sentados: Fernando Martínez Morás, Castelao, Manuel Lugrís Freire, Antón Villar Ponte e Félix Estrada Catoyra.

Ingresou na Escola de Artes e Oficios da Coruña, onde foi discípulo de Román Navarro e Isidoro Brocos. En 1907 converteuse en auxiliar meritorio. En 1916 obtivo a praza de profesor de ascenso, de modelado e baleirado, e en 1921, a de profesor de termo da escola. O 30 de abril de 1931 ascendeu a director do centro e a honorario deste en 1945, ano no que se xubilou. Ilustrou libros, álbums e programas de festas e colaborou en La Voz de Galicia debuxando temas de actualidade e paisaxísticos. En 1909 foi nomeado membro correspondente da Real Academia Galega e o 27 de xullo de 1941, numerario. Pertenceu á Real Academia de Belas Artes Nuestra Señora del Rosario da Coruña e á Comisión Provincial de Monumentos.

Membro da agrupación socialista da Coruña, foi elixido concelleiro en 1913, pero renunciou ao cargo unha semana despois do seu nomeamento.

Obras

É autor dos bustos de Eduardo Pondal e Manuel Murguía, emprazados nos xardíns de Méndez Núñez coruñeses; as placas de Emilia Pardo Bazán (A Coruña), Lugrís Freire (Sada) e Leiras Pulpeiro (Mondoñedo). Tamén da placa conmemorativa dos irmáns García Naveira, en Betanzos.

Véxase tamén

Bibliografía

• Brais da Bouza [Ignacio Pérez Vázquez]: Artigo "CORTÉS BUGÍA, Fernando" en Gran Enciclopedia Galega.
• Bugallal Marchesi, José Luis: Boletín da Real Academia Galega, ISSN 1576-8767, nº. 289-293, 1946-1950 , p. 144-145 Arquivado 12 de decembro de 2013 en Wayback Machine. (en castelán).

Ligazóns externas

• Fernando Cortés Bugía Arquivado 14 de agosto de 2014 en Wayback Machine. na páxina da RAG
• Cortés Bugía, FernandoArquivado 20 de febreiro de 2012 en Wayback Machine. no Museo de Belas Artes da Coruña.