Fedor Stravinskii
Fedor Ignatievich Stravinskii (en ruso: Фёдор Игнатиевич Стравинский), nado o 20 de xuño (8 de xuño no calendario xuliano) de 1843 en Novy Dvor (Gobernación de Minsk, Imperio Ruso) e finado o 4 de decembro (21 de novembro no calendario xuliano) de 1902 en San Petersburgo (Imperio Ruso), foi un baixo de ópera e actor ruso. Foi o pai de Igor Stravinskii e o avó de Soulima Stravinsky.
  | |
| Biografía | |
|---|---|
| Nacemento | 20 de xuño de 1843 New Dvor (en)  |
| Morte | 4 de decembro de 1902 (59 anos) San Petersburgo, Rusia |
| Lugar de sepultura | Cemitério Tikhvin (pt) |
| Datos persoais | |
| País de nacionalidade | Imperio Ruso |
| Educación | Conservatório de São Petersburgo (pt) Mozyr Men's Gymnasium (en) |
| Actividade | |
| Ocupación | cantante de ópera , actor |
| Xénero artístico | Música clásica |
| Profesores | Camille Everardi (pt) |
| Tesitura | Baixo |
| Familia | |
| Familia | Q63440281 |
| Fillos | Ígor Stravinski, Yury Stravinsky (pt) |
   | |
Traxectoria editar
O seu pai, Ignatii, era un católico procedente da familia nobre polaca dos Stravinskii-Sulima;[nota 1] súa nai, Aleksandra Ivanovna Skorokhodova, era a filla dun pequeno terratenente ruso. Fedor foi bautizado na Igrexa Ortodoxa, xa que a lei imperial establecía que os nenos nados de matrimonios mixtos de católicos e ortodoxos tiñan que ser educados na fe ortodoxa rusa.[1][2][3]
En 1869 finalizou os seus estudos no Liceo de Nizhyn, onde cantaba no coro da igrexa. Estudou canto no Conservatorio de San Petersburgo entre 1869 e 1873. Posteriormente estudaría con Camille Everardi en Kíiv.
Stravinskii comezou a súa carreira solística en Kíiv (1873–76) antes de trasladarse a San Petersburgo, onde cantou no Teatro Mariinskii durante 26 anos, de 1876 a 1902. Foi aclamado como sucesor de Osip Petrov, recoñecido polo seu excepcional talento dramático como actor, e foi considerado o baixo principal da Ópera Imperial. Foi admirado pola profundidade dos seus coñecementos psicolóxicos e o seu dominio da técnica teatral.
Stravinskii interpretou moitos papeis nas estreas das óperas de Chaikovskii:
- A Súa Alteza Real en Kouznets Vakoula en 1876.
- Dunois en Orleanskaja deva en 1881.
- Mamirov en Charodéyka en 1887.
Tamén participou na estrea de Cordelia de Nikolai Soloviev o 24 de novembro de 1880 en San Petersburgo,[4] e interpretou o papel de Moroz (King Frost) na ópera de Rimskii-Korsakov Snegúrochka en 1882, cando seu fillo Igor estudaba con Rimskii-Korsakov).
Stravinskii foi tamén coñecido como un activo defensor da música de Mykola Lysenko, representando frecuentemente o papel de Mykola na ópera Natalka Poltavka.
Entre os seus grandes sucesores estaban Among Feodor Chaliapin e Lev Sibiriakov. Fedor Stravinskii morreu en 1902 e foi enterrado no cemiterio de artistas do mosteiro Alexandre Nevski de San Petersburgo.
Dise que as súas memorias son de valor incalculable. Tamén tiña unha biblioteca única que era moi popular entre os bibliógrafos.
Notas editar
- ↑ O nome "Stravinskii" (en polaco Strawiński) vén da palabra "Strava" (en polaco Strawa) - o pequeno río en Polonia oriental, afluente do Vístula
- Referencias
- ↑ Igor Stravinsky, Robert Craft, Memories and commentaries, University of California Press, 1981, p. 17
- ↑ Roman Vlad, Stravinsky, Cambridge University Press, 1978, p. 3
- ↑ Scott Lubaroff, An examination of the neo-classical wind works of Igor Stravinsky: the Octet for winds and Concerto for piano and winds, E. Mellen Press, 2004, p. 5
- ↑ "Soloviev, Nikolai Feopemptovich" en Grove Dictionary of Music and Musicians, 5th ed.
Véxase tamén editar
Bibliografía editar
- Lysenko, I. A, Dictionary of Ukrainian singers. Kiev, 1997