Abrir o menú principal

Federación Galega de Balonmán

A Federación Galega de Balonmán constitúese no ano 1984 coa adecuación do deporte á realidade do Estado das Autonomías trala fusión e, consecuentemente, desaparición das catro Federacións provinciais.

HistoriaEditar

O seu presidente fundacional foi Juan J. Lorenzo Izquierdo (1984-85).

En 1985 celébranse as primeiras eleccións á presidencia, nas que resulta elixido Ramiro Losada Bastos, que revalida o seu cargo en posteriores convocatorias (1988, 1992, 1994, 1998 e 2002).

A súa sede social radica en Vigo. Na década dos noventa o balonmán galego acada o seu maior punto de inflexión coa presenza de catro equipos na Liga Asobal: SD Teucro, Octavio Pilotes Posada, BM Cangas do Morrazo e BM Chapela e o BM Porriño estará na máxima categoría do balonmán feminino. Academia Octavio e S.D. Teucro contan ademais co privilexio de ser os primeiros equipos galegos en tomar parte en competicións europeas.

En 1989 Galiza foi o epicentro do balonmán mundial ao organizar o Campionato do Mundo Júnior. A selección da URSS, na que xogaba Talant Dujshebaev, alzouse co primeiro posto tras unha apaixonante final contra España no Pavillón Municipal dos Deportes de Pontevedra.

O balonmán en Galiza antes da FGBMEditar

A xeneralización do balonmán en Galiza producirase a partir dos colexios das congregacións relixiosas (entre outros, os Maristas vigueses) que pularán pola súa práctica a partir dos anos sesenta.

O labor deportivo dalgúns cregos contribuirá á popularización do balonmán e á creación de moitos clubs, entre outros moitos na parroquia de Santa Cristina de Lavadores, o crego José Domínguez, creará en 1963 o Club Balonmán Unión, equipo pioneiro, xunto co Vulcano, deste deporte en Vigo. Con todo, a primeira manifestación da madureza do balonmán galego será a chegada do equipo Vulcano de Vigo á Primeira División en 1969 e en 1972-73 será a SD Teucro quen se sume á elite do balonmán español.

Véxase taménEditar