Fanny
Fanny foi unha banda de música rock estadounidense activa a principios dos anos 70. Foi unha das primeiras bandas de mulleres de rock en conseguir éxito da crítica e de vendas, incluídos dous sinxelos no top 40 da lista Billboard Hot 100.[1]
| Fanny | |
|---|---|
| Orixe | Os Ánxeles, California,  |
| Período | 1969 - 1975 |
| Xénero(s) | rock, hard rock |
| Selo(s) discográfico(s) | Reprise Records, Casablanca Records |
| Membros | June Millington Jean Millington Alice de Buhr Nickey Barclay Patti Quatro Brie Brandt Cam Davis |
| Na rede | |
| http://www.fannyrocks.com/ | |
        | |
O grupo foi fundado pola guitarrista June Millington e a súa irmá, a baixista Jean, que levaban tocando xuntas dende que se mudaran de Filipinas a California a principios dos anos 60. Tras tocar con distintas formacións, chamaron a atención do produtor Richard Perry quen as fichou para Reprise Records en 1969 como Fanny. A banda gravou catro álbums antes de que June Millington deixase o grupo, facendo que a formación orixinal se separase en 1975 tras derradeiro álbum. As irmás Millington continuaron tocando xuntas dende a separación e xunto coa bateríaBrie Howard Darling formaron o grupo spin-off Fanny Walked the Earth en 2018.[1]
O grupo continuou atraendo a aclamación da crítica por rexeitar os típicos estilos dun conxunto musical de mulleres e as expectativas que se tiñan sobre as mulleres na industria do rock, e enfatizando as súas habilidades musicais. Grupos posteriores como The Bangles e The Runaways, citaron a Fanny como unha importante influencia.[1]
Discografía editar
Álbums editar
| Álbum | Ano | Selo |
|---|---|---|
| Fanny | 1970 | Reprise Records |
| Charity Ball | 1971 | Reprise Records |
| Fanny Hill | 1972 | Reprise Records |
| Mother's Pride | 1973 | Reprise Records |
| Rock and Roll Survivors | 1974 | Casablanca |
| Fanny Walked the Earth | 2018 | Blue Élan Records |
Notas editar
- ↑ 1,0 1,1 1,2 "Fanny (2)". Discogs (en inglés). Consultado o 2019-11-27.