Wikipedia

Factor reumatoide

O factor reumatoide (FR ou RF polas súas siglas en inglés) é o primeiro autoanticorpo que se encontrou na artrite reumatoide. Defínese como un anticorpo contra a porción Fc da IgG e diferentes factores reumatoides poden recoñecer distintas partes do complexo IgG-Fc.[1] O factor reumatoide e a IgG únense para formar inmunocomplexos que contribúen ao proceso da enfermidade.[2]

O factor reumatoide pode tamén ser unha crioglobulina (anticorpo que precipita ao arrefriar unha mostra de sangue); pode ser unha crioglobulina de tipo 2 (IgM monoclonal a IgG policlonal) ou tipo 3 (IgM policlonal a IgG policlonal).

Aínda que se encontra predominantemente como IgM, o factor reumatoide pode ser de calquera dos isotipos de inmunoglobulinas, é dicir, IgA, IgG, IgM,[3] IgE,[4] e IgD.[5]

Probas diagnósticas editar

O factor reumatoide avalíase a miúdo en pacientes dos que se sospeita que teñen algún tipo de artrite, incluso se os resultados positivos poden deberse a outras causas, e os resultados negativos non descartan a enfermidade. Pero, en combinación con outros signos e síntomas, pode ser importnte para o diagnóstico e a prognóstico da enfermidade. Forma parte dos criterios habituais utilizados para distinguir a artrite reumatoide.[6]

A presenza do factor reumatoide no soro sanguíneo pode tamén indicar a presenza de actividade autoinmune non relacionada coa artrite reumatoide, como a asociada co rexeitamento de tecidos ou órganos trasplantados. Nese casos, o factor reumatoide pode servir como un dos varios marcadores serolóxicos para a autoinmunidade.[7] A sensibilidade do factor reumatoide pola artrite reumatoide establecida é de só o 60-70% cunha especificidade do 78%.[8]

Interpretación editar

Encóntranse altos niveis de factor reumatoide (en xeral de máis de 20 IU/mL, 1:40, ou máis do percentil do 95, aínda que hai certa variación entre os laboratorios) na artrite reumatoide (presente no 80%) e a síndrome de Sjögren (presente no 70%).[9] Tamén se encontra na infección polo virus de Epstein–Barr ou parvovirus e en do 5 ao 10% de persoas sas, especialmente as vellas.

Hai unha asociación entre o factor reumatoide e a sinovite máis persistentemente activa, e con máis danos articulares, maior discapacidade final e artrite.[10][11]

Ademais da artrite reumatoide, o factor reumatoide pode tamén ser elevado en:[12]

Historia editar

O test foi descrito primeiramente polo médico noruegués Erik Waaler en 1940 e redescrito polo doutor Harry M. Rose e coleagas en 1948. Dise que a redescrición se debeu a incertezas debidas á Segunda guerra mundial. Aínda hoxe se denomina test de Waaler-Rose.[18][19]

Notas editar

  1. ↑ Falkenburg, W.J.J. (November 2015). "IgG Subclass Specificity Discriminates Restricted IgM Rheumatoid Factor Responses From More Mature Anti–Citrullinated Protein Antibody–Associated or Isotype-Switched IgA Responses". Arthritis & Rheumatology 67 (12): 3124–3134. PMID 26246004. doi:10.1002/art.39299. 
  2. ↑ Edkins A, Cushley W (2012). "The Jekyll and Hyde nature of antibodies". Biological Sciences Review 25 (2): 4. 
  3. ↑ Hermann, E; Vogt, P; Müller, W (1986). "Rheumatoid factors of immunoglobulin classes IgA, IgG and IgM: Methods of determination and clinical value". Schweizerische Medizinische Wochenschrift 116 (38): 1290–7. PMID 3775335. 
  4. ↑ Herrmann, D; Jäger, L; Hein, G; Henzgen, M; Schlenvoigt, G (1991). "IgE rheumatoid factor. Occurrence and diagnostic importance in comparison with IgM rheumatoid factor and circulating immune complexes". Journal of Investigational Allergology & Clinical Immunology 1 (5): 302–7. PMID 1669588. 
  5. ↑ Banchuin, N; Janyapoon, K; Sarntivijai, S; Parivisutt, L (1992). "Re-evaluation of ELISA and latex agglutination test for rheumatoid factor detection in the diagnosis of rheumatoid arthritis". Asian Pacific Journal of Allergy and Immunology 10 (1): 47–54. PMID 1418183. 
  6. ↑ Medscape - EMedicine Rheumatoid Arthritis workup
  7. ↑ Rostaing, Lionel; Modesto, Anne; Cisterne, Jean Marc; Izopet, Jacques; Oksman, Françoise; Duffaut, Michel; Abbal, Michel; Durand, Dominique (1998). "Serological Markers of Autoimmunity in Renal Transplant Patients with Chronic Hepatitis C". American Journal of Nephrology 18 (1): 50–6. PMID 9481439. doi:10.1159/000013304. 
  8. ↑ Nishimura, K; Sugiyama, D; Kogata, Y; Tsuji, G; Nakazawa, T; Kawano, S; Saigo, K; Morinobu, A; Koshiba, M; Kuntz, KM; Kamae, I; Kumagai, S (5 June 2007). "Meta-analysis: diagnostic accuracy of anti-cyclic citrullinated peptide antibody and rheumatoid factor for rheumatoid arthritis.". Annals of Internal Medicine 146 (11): 797–808. PMID 17548411. doi:10.7326/0003-4819-146-11-200706050-00008. 
  9. ↑ "Rheumatoid Factor - Patient UK". Arquivado dende o orixinal o 07 de febreiro de 2012. Consultado o 03 de novembro de 2019. 
  10. ↑ MedicineNet Rheumatoid Factor Blood Test Meaning and Levels
  11. ↑ The Arthritis Association Arquivado 29 de novembro de 2014 en Wayback Machine., Informe de MHC 19.2
  12. ↑ 12,0 12,1 12,2 12,3 RxList Rheumatoid factor blood test
  13. ↑ 13,0 13,1 13,2 13,3 "Rheumatoid factor - Mayo Clinic". 
  14. ↑ U Nowak, K Gill, E Skamene, e M M Newkirk. Rheumatoid factor induction in murine models of liver injury. Clin Exp Immunol. 2007 Feb; 147(2): 324–329. doi: 10.1111/j.1365-2249.2006.03277.x. PMCID: PMC1810466. PMID 17223974.
  15. ↑ Garcia-De La Torre, Ignacio (1993). "Autoimmune phenomena in leprosy, particularly antinuclear antibodies and rheumatoid factor.". The Journal of Rheumatology 20 (5): 900–3. PMID 8336322. 
  16. ↑ Atta, AM (2007). "Serum markers of rheumatoid arthritis in visceral leishmaniasis: rheumatoid factor and anti-cyclic citrullinated peptide antibody.". Journal of Autoimmunity 28 (1): 55–8. PMID 17257811. doi:10.1016/j.jaut.2006.12.001. 
  17. ↑ 17,0 17,1 MedicalNewsToday Rheumatoid Factor
  18. ↑ Waaler, Erik (2009). "On the Occurrence of a Factor in Human Serum Activating the Specific Agglutination of Sheep Blood Corpuscles". Acta Pathologica et Microbiologica Scandinavica 17 (2): 172–188. doi:10.1111/j.1699-0463.1940.tb01475.x.  reproduced in Waaler, E (2007). "On the Occurrence of a Factor in Human Serum Activating the Specific Agglutintion of Sheep Blood Corpuscles". APMIS 115 (5): 422–38; discussion 439. PMID 17504400. doi:10.1111/j.1600-0463.2007.apm_682a.x. 
  19. ↑ Rose, HM; Ragan, C (1948). "Differential agglutination of normal and sensitized sheep erythrocytes by sera of patients with rheumatoid arthritis". Proceedings of the Society for Experimental Biology and Medicine 68 (1): 1–6. PMID 18863659. doi:10.3181/00379727-68-16375. 

Véxase tamén editar

Ligazóns externas editar

Traído desde «https://gl.wikipedia.org/w/index.php?title=Factor_reumatoide&oldid=6539589»