Ezequiel Mosquera
| Ezequiel Mosquera | |
|---|---|
.JPG) | |
| Información persoal | |
| Nacemento | Ezequiel Mosquera Míguez 19 de novembro de 1975 (47 anos) |
| Nacionalidade |  Galicia
|
| Equipo | |
| Último equipo | |
| Perfil de corredor | Escalador |
| Equipo(s) Pro | |
| 1999-2002 2003 2004 2005 2006 2007-2010 2011 |
Paredes Cantanhede-Marques da Marialva Carvalhelhos-Boavista Kaiku Comunidad Valenciana Karpin Galicia/Xacobeo Galicia Vacansoleil-DCM Pro Cycling Team |
Ezequiel Mosquera Míguez, nado en Cacheiras (Teo) o 19 de novembro de 1975, é un ciclista profesional galego.
Traxectoria Editar
Debutou como profesional no equipo portugués do Paredes Móveis, en 1999. Con este cadro comezou a correr pequenas roldas en Portugal, ata que en 2002 queda de 17º na súa primeira participación na Volta a Portugal. Ao ano seguinte, 2003, ficha polo Cantanhede, e en 2004 polo Boavista. Con este novo conxunto queda sétimo na rolda lusa. En 2005 ficha polo Kaiku, e en 2006 polo Kelme Comunitat Valenciana.
En 2007 ficha polo Karpin Galicia, co que consegue o seu maior éxito ao quedar de quinto na Vuelta a España, o mellor resultado ata o momento tanto del como do seu conxunto. En 2008 obtén a vitoria na primeira tirada da Clásica de Alcobendas, así como o triunfo final. E co mesmo equipo, xa denominado Xacobeo Galicia, queda de segundo na primeira tirada pirenaica da Vuelta a España dese mesmo 2008 e cuarto na clasificación xeral da proba.
No ano 2009 volveu quedar 5º na Vuelta a España Nese ano non puido participar no Giro de Italia por mor dunha fractura no pulso esquerdo. En 2010 gañou a penúltima etapa desa proba (a considerada etapa raíña, con final no cumio da Bola del Mundo), co que quedou 2º na clasificación xeral, a 41 segundos do italiano Vincenzo Nibali. Quedou terceiro na Vuelta a Castilla y León.
O 30 de setembro de 2010 a Unión Ciclista Internacional fixo público os resultados positivos dunha análise antidopaxe realizada a Ezequiel Mosquera e a David García o día 16 de setembro, durante unha tirada da Vuelta a España. A substancia presuntamente detectada é hidroxyetilo, un encubridor doutras substancias[1].
Para o ano 2011 fichou polo equipo Vacansoleil-DCM Pro Cycling Team, mais tras coñecerse a dopaxe o equipo deixou en suspenso a contratación do ciclista, concretándose trala súa absolución. Finalmente foi sancionado a finais de 2011. No ano 2012 Mosquera declarou que quizais incumplira algunha norma antidopaxe, aínda que sen deixar clara a súa culpabilidade[2].
Resultados nas Grandes Voltas Editar
| Carreira | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 |
|---|---|---|---|---|---|---|---|---|---|---|---|
| Giro de Italia | - | - | - | - | - | - | - | - | - | - | - |
| Tour de Francia | - | - | - | - | - | - | - | - | - | - | - |
| Vuelta a España | - | - | - | - | - | - | - | 5º | 4º | 5º | 2º |
Notas Editar
- ↑ Adverse Analytical Findings for Da Peña and Mosquera, Web da Unión Ciclista Internacional, 30/9/2010.
- ↑ "Arrepentimiento, pero de todos", por Ezequiel Mosquera.