Eumedonia eumedon

Eumedonia eumedon (sin. Aricia eumedon) é unha bolboreta da familia Lycaenidae, subfamilia Polyommatinae e tribo dos Polyommatini (Esper, 1780).

Distribución

Atópase distribuída na zona paleártica.

Descrición

É unha pequena bolboreta que ten dimorfismo sexual: a parte superior do macho é de cor gris máis ou menos escura cunha franxa branca; a da femia é de cor marrón con algunhas manchas de cor laranxa submarxinais nas ás posteriores tamén cunha franxa branca. O reverso é de cor beige cun negrón difuso decorado cunha liña submarxinal de puntos amarelos alaranxados aliñados cunha fila de puntos negros rodeados de branco.

Ten unha envergadura alar de 26-30 mm. Os adultos voan de maio a agosto, dependendo da localización.

As eirugas aliméntanse de especies de Geranium e Erodium.

Taxonomía

Esta bolboreta foi incluída nos xéneros Plebejus, Plebeius, Polyommatus e Aricia, pero os estudos moleculares recentes demostraron que Eumedonia é un xénero válido, diferente aos anteriores xéneros mencionados.

Sinónimos

• Aricia eumedon (Esper, 1780)
• Plebeius eumedon (Esper, 1780)
• Plebejus eumedon (Esper, 1780)
• Papilio chiron (Rottemburg, 1775)

Véxase tamén

Ligazóns externas

• Biodiversidad Virtual: Aricia eumedon
• Moths and Butterflies of Europe and North Africa: Aricia eumedon (inglés)
• European Butterflies and Moths: Aricia eumedon
• Eurobutterflies.comː Eumedonia eumedon (inglés)