Etalon (satélites)
Etalon é o nome de dous satélites artificiais soviéticos lanzados en 1989. Foron tamén coñecidos como Kosmos 1989 (Etalon 1) e Kosmos 2024 (Etalon 2).[1][2]
Características editar
Os satélites Etalon eran satélites pasivos lanzados para facer estudos xeodésicos co fin de mellorar as medicións do campo gravitatorio e a constante gravitatoria e para aumentar a precisión do sistema de referencia terrestre e dos parámetros de rotación da Terra. Tiñan forma de esfera de 1,294 m de diámetro e ían recubertos de retrorreflectores. Estaban feitos dunha aliaxe de titanio e aluminio, cunha masa por satélite de 1415 kg. Ambos satélites foron lanzados mediante foguetes Proton K/DM-2.[1][2]