Estado Novo

Estado Novo ou II República Portuguesa é o nome do réxime político autoritario e corporativista que tivo lugar durante 41 anos en Portugal de forma ininterrompida, desde 1933, coa aprobación dunha nova Constitución por plebiscito nacional, até 1974, coa Revolución dos Cravos. Coa designación Estado Novo pretendíase dicir que se iniciaba unha nova fase política do país, diferente da primeira República portuguesa.^{[Cómpre referencia]}

Estado Novo

Himno	A Portuguesa
Localización
38°42′N 9°11′O
Poboación
Lingua oficial	lingua portuguesa
Relixión	Igrexa católica
Xeografía
Superficie	2.168.071 km²
Datos históricos
Precedido por	Ditadura Nacional
Creación	19 de marzo de 1933
Disolución	25 de abril de 1974
Sucedido por	Terceira República Portuguesa
Organización política
Forma de goberno	Autocracia
Membro de	ONU
Moeda	Escudo portugués

É tamén chamado Salazarismo, malia que este último termo pode tamén ser aplicado ao período en que António de Oliveira Salazar gobernou, é dicir, desde a súa ascensión ao cargo de Presidente do Consello de Ministros en 1932 até o seu afastamento por doenza en 1968. Salazar foi substituído despois por Marcelo Caetano. Non obstante, esta última designación revela que o Estado Novo estaba moi centrado e dependía profundamente da figura de Salazar, o seu fundador e "xefe".^{[Cómpre referencia]}

Tratouse da ditadura máis longa na Europa occidental durante o século XX. Alongouse durante 48 anos, incluíndo a ditadura militar de 1926 a 1933 e o Estado Novo que abrangue o período entre os anos 1933 e 1974. ^{[Cómpre referencia]}