Estadio Alfredo di Stéfano

Coordenadas: 40°28′36″N 3°36′51″O / 40.47667, -3.61417

O Estadio Alfredo di Stéfano é un estadio de fútbol, situado na cidade de Madrid, en España. Adopta este nome en homenaxe a Alfredo di Stéfano, xogador do Real Madrid nos anos 1950 e 1960, e considerado un dos mellores xogadores da historia do fútbol mundial.

Estadio Alfredo di Stéfano
Estadio Alfredo Di Stéfano.JPG
Datos
LocalizaciónMadrid, España
Construción
Inauguración9 de maio de 2006
Estadio
SuperficieCéspede
Dimensións105x68
Capacidade7.624
PropietarioReal Madrid
LocalíaReal Madrid Castilla

O estadio sitúase na Ciudad Real Madrid de Valdebebas, entre o recinto feiral de IFEMA e o aeroporto de Madrid-Barajas. O encontro inaugural disputouse ante o Stade de Reims nun partido que culminou con vitoria madridista por 6-1. O defensa madridista Sergio Ramos tivo a honra de marcar o primeiro gol.

Este recinto é a sede de todos os partidos oficiais do primeiro filial madridista, o Real Madrid Castilla.

Datos de intereseEditar

  • Capacidade: 7.000 espectadores, cifra que ascenderá ata as 25.000 localidades cando culmine a cuarta fase.
  • Zona de prensa: conta con 2 sets de televisión, 4 cabinas para comentaristas e 10 cabinas de radio. Ademais hai 28 postos de prensa escrita e 32 de comentarista.
  • Tecnoloxía: Ten as súas propias UCI (Unidade de Control de Instalacións) e UCO (Unidade de Control Organizativo). Ademais, a produción de auga quente obtense por medio de paneis termosolares situados na cuberta do edificio e conta con calefacción propia no terreo de xogo. Acceso para minusválidos.
  • Estacionamento: Dispón de amplos aparcadoiros, con capacidade para máis de 800 vehículos, ademais dun aparcadoiro propio para autobuses e outro independente destinado para a afección visitante con capacidade para máis de 10 autobuses.
  • Transporte máis próximo: Metro: Campo de las Naciones. Autobús: 112, 122.

Véxase taménEditar

Outros artigosEditar