Espiel

Espiel é un municipio español da provincia de Córdoba, Andalucía. No ano 2005 tiña 2.386 habitantes. A súa extensión superficial é de 436 km² e tiña unha densidade de 5,5 hab/km². As súas coordenadas xeográficas son 38º 11' N, 5º 01' O. Atópase a unha altitude de 548 metros e a 50 quilómetros da capital de provincia, Córdoba.

Espiel

Localización
38°11′16″N 5°01′13″O
Estado	España
Comunidade autónoma	Andalucía
Provincia	Provincia de Córdoba
Capital	Espiel
Poboación
Poboación	2.386 (2023) (5,47 hab./km²)
Xeografía
Parte de	Q100593645 Q107553383 Q107553378 Valle del Guadiato (en)
Superficie	436 km²
Altitude	548 m
Comparte fronteira con	Villanueva del Rey Villaharta Obejo Villaviciosa de Córdoba Hornachuelos Pozoblanco Villanueva del Duque Alcaracejos Belmez Fuente Obejuna
Organización política
• Alcalde	José Antonio Fernández Romero (2019–)
Identificador descritivo
Código postal	14220
Fuso horario	UTC+01:00
Código INE	14026
Páxina web	aytoespiel.com

Historia

A súa estratéxica situación no centro do val do Guadiato influíu sobremaneira no asentamento protohistórico nas terras de Espiel, atopándose unha gran cantidade de xacementos do calcolítico, do megalítico etc. Destacar os asentamentos da Estrella, La Alhondiguilla ou El Vacar, e o achado dun ídolo-placa en serpentina verde con diversos gravados.

Para rematar é importante apuntar o conxunto arqueolóxico do Germo constituído por unha basílica e un baptisterio visigodos, erixidos cara ao 600 d.C.

O castelo musulmán de El Vacar é unha fortaleza da época califal construída en tempos da al-Hakam II e que Fernando III doou a Córdoba no 1237.

Os primeiros indicios de civilización corresponden á época romana. Na localidade estivo asentada a poboación de Siciliana, quedando restos do seu asentamento como moedas ou sepulcros. Trala Reconquista pasou a pertencer ao señorío de Córdoba, e xa no ano 1546 Pedro Sánchez de Sepúlveda gañou unha provisión para que a vila tivese alcalde, alguacil e escribano. Dese modo evitábanse as molestias orixinadas aos seus veciños cando tiñan que ir a Villanueva para os seus negocios e outorgamentos de escrituras. No século XVII foi comprada por Don Juan Jiménez de Góngora, logo marqués de Almodóvar de Trasserra. Os veciños espeleños dan crédito á tradición de que o pobo remóntase nos seus inicios a unhas chozas (feitas por uns cabreiros nos actuais asentamentos da vila), as que despois se converteron en casas que se foron amontoando aos poucos, aínda que non se precisa en que momento. Este territorio estivo na antigüidade moi poboado de aldeas, contándose ademais os asentamentos dalgúns soados mosterios de cuxos edificios coñecense aínda as ruínas, parte das cales pertencen ao termo de Villaviciosa. Pero, sen ningunha dúbida, o achado máis singular dos levados a cabo en Espiel é o da campá do abade Samson, descuberta nun pozo desta localidade. Hoxe gárdase no Museo Arqueolóxico de Córdoba e está considerada como a máis antiga do país.^{[Cómpre referencia]}

Véxase tamén

Ligazóns externas

• Espiel - Sistema de Información Multiterritorial de Andalucía