Esperanza Mariño
Esperanza Mariño Dávila, nada en Santiago de Compostela o 15 de abril de 1963, é unha ensaísta e tradutora galega.
| Esperanza Mariño | |
|---|---|
-1.jpg) | |
| Nacemento | 15 de abril de 1963 |
| Santiago de Compostela | |
| Nacionalidade | España |
| Alma máter | Universidade de Santiago de Compostela |
| Ocupación | escritora |
| Xéneros | Ensaio |
| Estudos | Filoloxía Galego-Portuguesa |
| [ editar datos en Wikidata ] | |
Traxectoria
Licenciada en Filoloxía Galego-Portuguesa na Universidade de Santiago de Compostela. Desde aquela, exerce como profesora en diversos Institutos de Ensino Secundario, para na actualidade traballar no IES de Sar, Santiago de Compostela.
Como investigadora, ten publicado artigos sobre lingua, literatura e crítica literaria en diversas revistas, tales como Festa da Palabra Silenciada, Revista de lenguas y literaturas catalana, gallega y vasca da UNED, Dorna e A Freita (da Mesa prá Defensa del Galego de Asturias). Tamén participou como relatora en múltiples Congresos, Xornadas e Encontros, dentro e fóra de Galiza. Durante os anos noventa foi a representante galega na Fédération Européenne des Maisons de Pays (na defensa das linguas e culturas minorizadas de Europa). Ten colaborado tamén coas revistas Lletres Asturianes e Lliteratura.
Obras
Edicións
- Da emigración, de Antonio Paz Míguez, 1936, edición facsímile en 1993, Concello da Pobra do Caramiñal.
- A vida sempre e sobre todo, de Crisanto Veiguela, 2001.
- Dicionario María Mariño, 2007, tresCtres.[1]
- Dicionario Uxío Novoneyra, 2010, tresCtres.
Traducións
- Historia universal de Paniceiros, de Xuan Bello, 2008, Positivas. Do asturiano para o galego.
- Los nomes de la tierra. Os nomes da terra, de Xuan Bello, 2010, Positivas. Do asturiano para o galego.
- Avó Ismail (Güelo Ismail), de Esther Prieto, 2011, Sotelo Blanco. Do asturiano para o galego.
Obras colectivas
- Eduardo Blanco Amor, 1988, Concello de Boiro.
- Coroa literaria para Roberto Blanco Torres contra a súa morte, 1999, Ediciós do Castro.
- Homenaxe a Uxío Novoneyra.
- Homenaxe dos poetas galegos a Federico García Lorca contra a súa morte, 2006, Xerais.
- A Coruña á luz das letras, 2008, Trifolium.
Notas
- ↑ Mariño Dávila, Esperanza (2007). Dicionario María Mariño. Editorial TresCtres. ISBN 978-84-935562-4-2.
Véxase tamén
Ligazóns externas
- Esperanza Mariño na páxina web da Asociación de Escritoras e Escritores en Lingua Galega.