Xoán V Paleólogo
Xoán V Paleólogo, nado en 1332 e finado o 16 de febreiro de 1391, foi o fillo de Andrónico III, a quen sucedeu como emperador bizantino en 1341, con nove anos de idade. Xoán VI Cantacuzeno, amigo do seu pai, actuou como o seu rexente e co-emperador (1347-1354). Xoán V viuse obrigado a loitar contra Xoán Cantacuzeno, pois este usurpou o trono durante a súa minoría, e non se fixo co poder ata 1354.
  | |
| Nome orixinal | (el) Ιωάννης Ε' Παλαιολόγος |
|---|---|
| Biografía | |
| Nacemento | 18 de xuño de 1332 Didymoteicho (Imperio Bizantino) |
| Morte | 16 de febreiro de 1391 (58 anos) Constantinopla |
| Causa da morte | Morte natural (Doenza ) |
| Emperador bizantino | |
| 17 de setembro de 1390 – 16 de febreiro de 1391 ← Xoán VII Paleólogo – Manuel II Paleólogo → | |
| Emperador bizantino | |
| 1 de xullo de 1379 – 14 de abril de 1390 ← Andrónico IV Paleólogo – Xoán VII Paleólogo → | |
| Emperador bizantino | |
| 15 de xuño de 1341 – 12 de agosto de 1376 ← Andrónico III Paleólogo – Xoán VI Cantacuzeno → | |
| Datos persoais | |
| País de nacionalidade | Imperio Bizantino |
| Actividade | |
| Ocupación | gobernante |
| Lingua | Grego antigo |
| Familia | |
| Familia | Dinastía Paleólogo |
| Cónxuxe | Helena Cantacuzena |
| Fillos | Manuel II Paleólogo, Irene Palaiologina (en)  , Miguel Paleólogo (pt) , Teodoro I Paleólogo, Andrónico IV Paleólogo |
| Pais | Andrónico III Paleólogo e Ana de Saboia (pt) |
| Irmáns | Miguel Paleólogo (pt) , Maria-Irene Palaiologina (en) , Irene Paleóloga de Trebisonda e Maria Palaiologos (en) |
 | |
 | |
Traxectoria editar
O seu reinado estivo marcado pola paulatina disolución do poder imperial, mentres os turcos otománs tomaban Adrianópolis e Filipolis (véxase Suleimán Pachá), conquistaban Serbia e obrigaban ao emperador a pagarlles tributo. Trala conquista de Galípolis polos turcos, a propia Constantinopla viuse ameazada, e Xoán V pediu auxilio a Occidente, propoñendo o final do cisma entre as igrexas bizantina e latina, ao recoñecer a supremacía desta última. Empobrecido pola guerra, foi detido polas súas débedas en Venecia (1369). En 1371 recoñeceu a soberanía do sultán otomán Murad I, que máis tarde o axudaría a recuperar o trono (1379), tras ser deposto polo seu fillo Andrónico IV en 1376. En 1390 o seu neto Xoán VII tamén usurpou o trono durante algún tempo. A Xoán V sucedeuno o seu fillo Manuel II Paleólogo. O seu segundo fillo Teodoro I Paleólogo herdou o Despotado de Morea en 1383.
Cara ao final do seu reinado, en 1390, Xoán mandou reforzar a Porta de Ouro de Constantinopla, e para iso usouse mármore das igrexas abandonadas na cidade. Ao terminar estas obras, Baiaceto I, con ameazas de guerra, esixiu que Xoán desmontase os devanditos reforzos: Xoán V viuse obrigado a obedecer as ordes do seu soberano, pero se di que morreu por mor dos sufrimentos derivados desta humillación.
| Imperio Bizantino | ||
|---|---|---|
Segue a: Andrónico III Paleólogo |
Xoán V Paleólogo | Precede a: Manuel II Paleólogo |
| Dinastía Paleólogo | ||