Wedem Arad
Wedem Arad (en amhárico: ወደም አራድ?), morto en 1314, foi emperador (nəgusä nägäst) (1299–1314) de Etiopía e un membro da dinastía salomónica. Era irmán de Yagbe'u Seyon, e ripoulles o poder aos seus sobriños.
| Biografía | |
|---|---|
| Nacemento | século XIII  |
| Morte | 1314 (Gregoriano) |
 Emperador de Etiopía | |
| 1299 – 1314 ← Saba Asgade (pt)  – Ámeda-Sion I (pt) → | |
| Actividade | |
| Ocupación | político |
| Familia | |
| Familia | Dinastía salomónica |
| Fillos | Ámeda-Sion I (pt) |
| Pai | Iecuno-Amelaque (pt) |
| Irmáns | Iagba-Sion (pt) |
Reinado editar
Só hai rexistrada unha acción militar deste gobernante. No primeiro ano do seu reinado, un Sheikh Abu-Abdallah reunira unha multitude, e proclamou unha jihad contra o reinado de Wedem Arad. El enviou algúns axentes ao campamento de Abu-Abdallah, que lograron persuadir a maioría dos seus seguidores para que desertasen. Sen suficientes homes, Abu-Abdallah foi forzado asinar un tratado con Wedem Arad, a cambio de "proporcionarlles todas as súas necesidades ata que sexan completamente satisfeitas". Taddesse Tamrat suxire que isto implicou darlles terras asentarse e observa no extremo do territorio de Shewa hai un localidae coñecida como "Abdalla", a cal podería ser aquel asentamento.[1]
En 1306, Wedem Arad mandou unha embaixada de 30 enviados a Europa á procura do "rei das Españas" (probablemente Castela e Aragón). Quizais ouvindo dos éxitos dos cristiáns contra o Al-Andalus en Iberia, Wedem Arad quixo negociar un pacto de defensa mutua con eles contra os seus inimigos musulmáns comúns. Se os enviados alcanzaron ou non o seu destino é unha incógnita, mais visitaron Roma e chegaron ata Aviñón. Atrasados no seu regreso ao seu país, pasaron un tempo en Xénova, onde foron entrevistados polo xeógrafo Giovanni da Carignano. O relato de Giovanni sobre o país destes embaixadores, baseado nas entrevistas, perdeuse, mais foi resumido por Jacobus Philippus Foresti da Bergamo[2] no seu Supplementum Chronicarum; este é o primeiro texto que asocia a figura lendaria do Preste Xoán con Etiopía.[3]
G.W.B. Huntingford especula que durante o reinado de Wedem Arad o asentamento de Tegulet converteuse na capital de Etiopía.[4]
Referencias editar
- ↑ Taddesse Tamrat, Church and State in Ethiopia (Oxford: Clarendon Press, 1972), p. 131.
- ↑ Giacomo Filippo Foresti da Bergamo
- ↑ Silverberg, Robert The Realm of Prester John (Athens: Ohio University Press, 1972), pp. 164–165.
- ↑ G.W.B. Huntingford, The Historical Geography of Ethiopia (Londres: The British Academy, 1989), p. 78