Vicente Álvarez Núñez
Vicente Luis Álvarez Núñez, nado en Ourense o 30 de abril de 1960, é un exfutbolista galego, que xogaba de centrocampista.
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 30 de abril de 1960  (63 anos)Ourense, España | ||||||||||||||||||||||||||||||||||
| Datos persoais | |||||||||||||||||||||||||||||||||||
| País de nacionalidade | España | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Período de actividade | 1980 - 1996 | ||||||||||||||||||||||||||||||||||
| Lingua | Lingua castelá | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||
| |||||||||||||||||||||||||||||||||||
Traxectoria editar
Vicente Álvarez naceu no barrio ourensán de San Francisco. Iniciouse como líbero nas categorías inferiores do CD Ourense. Fichou polo RC Celta mediada a temporada 1979-80. En parte, a súa fichaxe debeuse á normativa da segunda división, que obrigaba a a aliñar de inicio a dous xogadores menores de 20 anos. Esa tempada o Celta descendeu a Segunda B, xogando Vicente 14 encontros.
En outubro de 1981 comezou o Servizo Militar. Na tempada 1982-83 xogou cedido no Racing de Ferrol. Na 1983-84 xogou 19 encontros co Celta, e o ano seguinte o equipo ascendeu a Primeira División, xogando Vicente 16 partidos.
Debutou na máxima categoría en Balaídos o 6 de outubro de 1985 perdendo 1-2 contra o Real Zaragoza substituíndo na segunda parte a Lema. Marcou o seu primeiro gol oficial co Celta 13 días despois, tamén en Balaídos, ante o CA Osasuna, encontro resolto con vitoria celeste por 2-0.
Logo de varios anos de ascensos e descensos nos que pasou 5 veces por quirófano, o 20 de abril de 1994 disputou como titular a final da Copa do Rei no Estadio Vicente Calderón contra o Zaragoza, con derrota celeste nos penaltis.
Despois de 16 tempadas no club Vicente xogou o seu último partido co Celta o 25 de maio de 1996, fronte ao Valencia. A tempada seguinte xogouse en Balaídos un partido de homenaxe contra o Club Deportivo Tenerife, no que o presidente Horacio Gómez lle impuxo a insignia de ouro e brillantes.
Véxase tamén editar
Bibliografía editar
- Dicionario biográfico de Galicia, Ir Indo Edicións, 2010-2011, Vigo.
Ligazóns externas editar
- Ficha na web Yo Jugué en el Celta (en castelán).
- Ficha do xogador en Bdfutbol (en catalán)