Vanatinai
A illa Vanatinai (tamén chamada Tagula e Sudest, polos nomes dos cabos extremos da illa), é unha illa volcánica no sueste do arquipélago das Louisiadas na provincia de Milne Bay en Papúa Nova Guinea. A illa bordeada de coral está aproximadamente a 360 km. ao suroeste da illa de Nova Guinea e a 30 km ao sur de Misima. Cunha superficie de 830 km², é a illa máis grande do arquipélago. A cidade de Tagula, o asentamento principal, atópase na costa noroeste. A poboación era de 3.628 habitantes en 2014. A principal exportación é a copra.
| Vanatinai | |
|---|---|
  Illa Vanatinai Localización da illa | |
 Mapa do Arquipélago das Luisiadas | |
| Situación | |
| País |  Papúa Nova Guinea |
| Provincia | Milne Bay |
| Arquipélago | Arquipélago das Luisiadas |
| Mar | Mar de Salomón |
| Coordenadas | 11°30′S 153°26′L / -11.500, -153.433Coordenadas: 11°30′S 153°26′L / -11.500, -153.433 |
| Xeografía | |
| Superficie | 830 km² |
| Longura máxima | 63 km. |
| Largura máxima | 13 km. |
| Punto máis alto | 806 m. Monte Riu |
| Demografía | |
| Capital | Rambuso Village |
| Poboación | 3.628 (2014) |
| Densidade | 4´37 hab./km² |
Xeografía editar
A illa ten 63 km de longo, estendéndose desde Cape Tagula ata Cape Sudest e ata 13 km de largo. Unha cordilleira boscosa corre a través da lonxitude da illa, co cume, Monte Riu (806 m.) preto de centro. Os picos máis importantes do cordal son, de oeste a leste:
- Monte Madau (269 m.)
- Monte Gangulua (439 m.)
- Monte Riu (anteriormente chamado Monte Rattlesnake) (806 m.)
- Monte Imau (485 m.)
- Monte Arumbi (350 m.)
Historia editar
A primeira observación rexistrada polos europeos da illa Vanatinai foi pola expedición española de Luís Vaz de Torres o 14 de xullo de 1606.[1][2][3]
A illa foi o sitio dunha febre do ouro que alcanzou o seu punto máximo en 1889. O ouro foi atopado en case todos os cursos de auga da illa.[4]
A vila de Rambuso está situada na costa norte da parte oriental da illa, onde oarroio Rambuso Creek flúe no océano Pacífico. A entrada a través do arrecife ata o porto é profunda e fácil de ver durante a luz do día. Moitos iates visitantes e barcos comerciais locais utilizan este protexido ancoradoiro. En 2010 os aldeáns e varios navegantes visitantes reconstruíron o peirao e a calzada. O lema dos aldeáns novo é "Rambuso Creek a porta de entrada a Sudest". O novo peirao axudou a Rambuso a desenvolverse e agora a vila ten uns 500 habitantes.
Transporte editar
A illa ten un aeroporto, código (IATA: TGL) para o transporte público, cerca da vila de Tagula.
Notas editar
- ↑ Hilder, Brett The voyage of Torres, Brisbane, 1980, pp.XXIV,24
- ↑ Sharp, Andrew The discovery of the Pacific Islands Oxford, 1960, p.66.
- ↑ Brand, Donald D. The Pacific Basin: A History of its Geographical Explorations The American Geographical Society, New York, 1967, p.137.
- ↑ Pacific Islands Yearbook, 13th ed., Sydney, New York 1972
Véxase tamén editar
| Wikimedia Commons ten máis contidos multimedia na categoría: Vanatinai |