Two Gallants
Two Gallants é un dúo de indie rock procedente de San Francisco, California. O nome está tirado do título dunha historia de James Joyce do libro Dublineses.
| Two Gallants | |
|---|---|
 | |
| Orixe | San Francisco, California,  |
| Período | 2002 - actualidade |
| Xénero(s) | indie rock, lo-fi, folk rock, acoustic-blues |
| Selo(s) discográfico(s) | Saddle Creek, Alive Records |
| Membros | Adam Stephens Tyson Vogel |
| Na rede | |
| http://www.twogallants.com/ | |
           | |
Traxectoria editar
Two Gallants está composto por Adam Stephens na guitarra, harmónica e voces e Tyson Vogel na batería e as voces.
Stephens e Vogel comezaron a realizar concertos en San Francisco no ano 2002, cando os dous tiñan 20 anos. Autoeditaron dous CDs por separado (agora descatalogados), e esas gravacións estendéronse polos Estados Unidos durante os seus primeiros anos de xiras (tocando en casas, almacéns, parques ou na rúa). Despois de gravar o seu traballo de estrea, The Throes, para Alive Records, mantivéronse de xira, pero tocando cada vez en máis clubs. En xullo do 2005 asinaron con Saddle Creek Records, e no mes de agosto fixeron o seu primeiro concerto no outro lado do Atlántico, en Londres, pasando tamén polos festivais de Leeds e Reading.
En febreiro do 2006 editaron What the Toll Tells a través de Saddle Creek. Del sacáronse dous sinxelos: "Las Cruces Jail" e "Steady Rollin'". Xiraron por Europa despois da aparición do álbum, e polos Estados Unidos e o Canadá en maio e xuño. No verán foron convidados a numerosos festivais europeos, e en setembro volverian a saír de xira polos Estados Unidos e Europa.
Durante a xira estadounidense os medios prestáronlle moita atención a un incidente nunha actuación en Houston, Texas, cando un policía investigando unha denuncia por ruído supostamente atacou á banda e a varios seareiros cun táser.
A banda editou o seu terceiro álbum, Two Gallants, en setembro do 2007 a través de Saddle Creek, e este incluía o sinxelo "Despite What You've Been Told".
Two Gallants publicou The Bloom and the Blight o 4 de setembro do 2012. É o seu primeiro traballo en cinco anos e o primeiro tamén co selo ATO records.
Discografía editar
Álbums de estudio editar
| Álbum | Ano | Selo |
|---|---|---|
| The Throes | 2004 | Alive Records |
| What the Toll Tells | 2006 | Saddle Creek |
| Two Gallants | 2007 | Saddle Creek |
| The Bloom and the Blight | 2012 | ATO Records |
| We Are Undone | 2015 | ATO Records |
EPs editar
| Álbum | Ano | Selo |
|---|---|---|
| Nothing to You (re-mix) + 3 | 2006 | Alive Records |
| The Scenery of Farewell | 2007 | Saddle Creek |