Trevor Blokdyk

John Trevor Blokdyk, nado en Krugersdorp (Transvaal) o 30 de novembro de 1935 e finado en Hekpoort, preto de Krugersdorp o 19 de marzo de 1995, foi un piloto de motociclismo e automobilismo surafricano.

Trevor Blokdyk

Biografía
Nacemento	30 de novembro de 1935 Krugersdorp, Suráfrica (pt)
Morte	19 de marzo de 1995 (59 anos) Hekpoort, Suráfrica (en)
Datos persoais
País de nacionalidade	Suráfrica
Actividade
Ocupación	piloto de Fórmula Un , speedway rider (en) , piloto de carreiras
Lingua	Lingua inglesa
Deporte	automobilismo Motociclismo

Traxectoria

Pilotou un Fórmula Un en dous Grandes Premios do Campionato do Mundo, aínda que só se clasificou nun.

Blokdyk correu en circuítos en Gran Bretaña a finais de 1950 e principios de 1960 para Poole Pirates e Ipswich Witches. En 1962 asinou con Leicester Hunters pero despois dunha carreira co equipo anunciou que abandonaba os circuítos para concentrarse nas carreiras de motos.

Blokdyk competiu na Fórmula Un por primeira vez nunha carreira fóra de campionato no Rand Grand Prix en Kyalami en 1961, nun Cooper, pero trompeou no inicio. tivo máis éxito na súa seguinte carreira, o Gran Premio de Natal en Westmead, onde terminou oitavo.

A finais de 1962, Blokdyk marchou a Europa para exercer unha carreira na Fórmula Júnior e pronto foi un dos favoritos. En 1963, disputou a súa única carreira no Campionato Mundial no East London, pilotando un Cooper - Maserati preparado pola Scuderia Lupini no que chegou 12º. Continuou na Fórmula Júnior en 1964 e despois pasou á Fórmula 3 e logrou bos resultados, incluíndo unha vitoria en Magny-Cours e Nogaro. Volveu a Suráfrica para o Gran Premio de Rand de 1964, onde retirou o seu Cooper - Alfa Romeo con problemas de motor e non conseguiu clasificarse para o Gran Premio de Suráfrica de 1965.

Máis tarde, en 1965, correu na Fórmula 3 europea e sufriu feridas graves nun accidente en Albi que finalizou a súa tempada. Na súa volta en 1966, terminou 6º en Rouen, e continuou a súa carreira en Europa a finais dos 60 antes de regresar a Suráfrica. Logo da súa retirada converteuse en labrego, pero morreu tras un infarto de miocardio con só 59 anos.

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	Pos.	Puntos
1963	Scuderia Lupini	Cooper T51	Maserati 4 en liña	MON	BEL	NED	FRA	GBR	ALE	ITA	USA	MEX	RSA 12	NC	0
1965	Trevor Blokdyk	Cooper T59	Ford 4 en liña	RSA NSC	MON	BEL	FRA	GBR	NED	ALE	ITA	USA	MEX	NC	0