Transversión
En xenética, unha transversión é unha mutación puntual no ADN consistente na substitución dun nucleótido púrico (molécula de dous aneis) por outro pirimidínico (dun anel) ou viceversa.[1] Só pode ser revertida por outra mutación espontánea.
O tipo de mutación alternativa (púrica por púrica ou pirimidínica por pirimidínica) denomínase transición. Aínda que hai o dobre de posibles tipos de transversións que de transicións, as transversións son menos frecuentes. Ademais, é menos probable que as transicións dean lugar a substitucións de aminoácidos (debido ao "cambaleo"), e, por tanto, é menos probable que persistan como "substitucións silenciosas" en poboacións como polimorfismos dun só nucleótido (SNPs).[2] Unha transversión ten xeralmente un efecto máis pronunciado que unha transición porque o terceiro nucleótido dos codóns é o principal responsable da dexeneración do código xenético, que é máis tolerante ás transicións que ás transversións, polo que é máis probable que despois dunha transición o codón siga codificando o mesmo aminoácido.
As transversións poden ser espontáneas ou poden ser causadas pola radiación ionizante ou axentes alquilantes.
Notas editar
- ↑ Futuyma, D.J. (2013). Evolution (3rd ed.). Sinauer. ISBN 978-1605351155.
- ↑ Diagram at mun.ca
Véxase tamén editar
Outros artigos editar
Ligazóns externas editar
| Commons ten máis contidos multimedia sobre: Transversión |
- Carr, Steven M. "Transition versus Transversion mutations". Memorial University of Newfoundland.
- Nikolay's Genetics Lessons, 2014 Transition versus Transversion mutations (how to memorize) Vídeo de Youtube.