Tord Tamerlan Teodor Thorell
Tord Tamerlan Teodor Thorell, nado o 3 de maio de 1830 en Gotemburgo, e finado o 22 de decembro de 1901 en Helsingborg, foi un aracnólogo sueco.
  | |
| Biografía | |
|---|---|
| Nacemento | 3 de maio de 1830 Gotemburgo, Suecia |
| Morte | 22 de decembro de 1901 (71 anos) Helsingborg, Suecia |
| Lugar de sepultura | Nya kyrkogården (en)  |
| Datos persoais | |
| País de nacionalidade | Suecia |
| Educación | Universidade de Uppsala |
| Actividade | |
| Ocupación | docente , profesor universitario , aracnólogo , entomólogo |
| Empregador | Universidade de Uppsala |
| Membro de | |
| Lingua | Lingua sueca |
| Obra | |
| Abreviatura do autor en zooloxía | Thorell |
Premios
| |
Traxectoria editar
Thorell estudou na Universidade de Uppsala desde 1848 e 1855, graduándose neste último ano coa defensa sa súa tese Recensio crítica Aranearum suecicarum, quas descripserunt Clerckius, Linnæus, De Geerus.
Comezou a súa carreira docente en 1856 impartindo clases de zooloxía nesta Universidade. En 1859 foi profesor adxunto e, en 1864 obtivo a cátedra de zooloxía, sempre na Universidade de Uppsala.
En 1877 problemas de saúde obrigárono a abandonar Suecia e instalarse no sur de Europa.
Permaneceu durante moito tempo na casa do marqués Giacomo Doria, fundador do Museo Cívico de Historia Natural de Xénova. Thorell estudou daquela as coleccións aracnolóxicas deste Museo.
Políglota, a súa gran reputación en aracnoloxía propiciou frutíferos intercambios con especialistas da súa época, como o británico Octavius Pickard-Cambridge (1828-1917) ou o francés Eugène Simon (1848-1924).
Publicou dúas obras importantes: en 1869, On European Spiders, e en 1870-1873, Synonym of European Spiders, así como Studi sui Ragni Malesi e Papuani. I. Ragni di Selebes raccolti nel 1874 dal Dott. Odoardo Beccari en 1874.
Descubriu e describiu numerosas novas especies de arácnidos (unhas 1 000, desde 1850 a 1900), e describiu varias novas clases destes animais.
Abreviatura editar
A abreviatura Thorell emprégase para recoñecer a Tord Tamerlan Teodor Thorell como autoridade na descrición e taxonomía en zooloxía.
Honras editar
Os xéneros Thorellina e Thorelliola foron denominados na súa honra, así como 30 especies de arácnidos:
- Araneus thorelli (Roewer, 1942)
- Gasteracantha thorelli Keyserling, 1864
- Leviellus thorelli (Ausserer, 1871)
- Mandjelia thorelli (Raven, 1990)
- Clubiona thorelli Roewer, 1951
- Malamatidia thorelli Deeleman-Reinhold, 2001
- Corinnomma thorelli Simon, 1905
- Ctenus thorelli F. O. P.-Cambridge, 1897
- Zelotes thorelli Simon, 1914
- Hypochilus thorelli Marx, 1888
- Idiops thorelli O. P.-Cambridge, 1870
- Trichopterna thorelli (Westring, 1861)
- Lycosa thorelli (Keyserling, 1877)
- Lycosula thorelli (Berland, 1929)
- Pardosa thorelli (Collett, 1876)
- Mecicobothrium thorelli Holmberg, 1882
- Miturga thorelli Simon, 1909
- Spermophora thorelli Roewer, 1942
- Cispius thorelli Blandin, 1978
- Bavia thorelli Simon, 1901 (Sulawesi)
- Pancorius thorelli (Simon, 1899)
- Talavera thorelli (Kulczyn'ski, 1891)
- Pseudopoda thorelli Jäger, 2001
- Afroblemma thorelli (Brignoli, 1974)
- Mesida thorelli (Blackwall, 1877)
- Chilobrachys thorelli Pocock, 1900
- Cyriopagopus thorelli (Simon, 1901)
- Helvibis thorelli Keyserling, 1884
- Theridion thorelli L. Koch, 1865
- Tmarus thorelli Comellini, 1955