Tippu Tip ou Tib, nado co nome de Hamed bin Mohamed bin Juma el-Murjebi en 1837 e finado en Mji Mkongwe (Zanzíbar) o 14 de xuño de 1905, foi un membro do pobo suahili mercador, negreiro, escravista, terratenente e gobernante de Zanzíbar.

Tippu Tip
Nacemento1837
Lugar de nacementoZanzíbar
Falecemento13 de xuño de 1905 e 14 de xuño de 1905
Lugar de falecementoZanzibar
NacionalidadeSultanato de Zanzibar
Ocupacióncomerciante e traficante de escravos
FillosSefu bin Hamid
editar datos en Wikidata ]

Traballando a prol dos sultáns de Zanzíbar, dirixiu numerosas expedicións ao leste e centro de África, nas que participou na trata de negros e no comercio. Ergueu postos de mercado que chegaron até o centro de África.

Traxectoria editar

Tippu Tip era fillo de Oman, un tratante de escravos e da filla dun xefe de Unyanyembe. Nas súas expedición encontrouse con algúns famosos exploradores occidentais, como David Livingstone, Henry Morton Stanley, Veney Cameron, Eduard Schnitzer e outros.

Entre 1884 e 1887 Tip reclamou o Congo Oriental, sendo nomeado, en 1887, gobernador do distrito das Cataratas de Stanley, no Estado Libre do Congo, que pertencía, de xeito persoal, ao rei Leopoldo II de Bélxica. Porén, en 1891 estalou unha guerra aberta entre Tippu Tip e o Estado Libre, motivada pola explotación dos recursos do alto río Congo. En 1893 os homes de Tippu Tip perderon a cidade de Nyangwe e logo Ujiji. A guerra acabou en 1894.

Arredor dos anos 1890-1891, Tip regresou a Zanzíbar, onde se retirou. escribiu as súas memorias, que constitúen o primeiro exemplo de literatura en lingua suahili.

Morreu en 1905 na súa casa de Mji Mkongwe (nome suahili, traducido ao inglés como Stone Town ou Zanzibar City), localidade principal da illa de Zanzíbar.

Véxase tamén editar

Bibliografía editar

  • Maisha ya Hamed bin Mohammed el Murjebi yaani Tippu Tip kwa maneno yake mwenyewe, kimefasiriwa na W.H. Whitely (toleo la Kiswahili - Kiingereza), East Africa Literature Bureau 1974