Ti primeiro
Ti primeiro é unha novela visual creada por Roberto Alvite[1] e producida e publicada por Melgo Cinema. Foi lanzada o 10 de agosto de 2021 para dispositivos móbiles iOS e Android. Caracterízase pola superposición de textos sobre fotografías fixas en imaxe real para narrar a historia, unha historia romántica ambientada na Coruña, e na que o xogador pode tomar decisións para ver outros puntos de vista dos acontecementos.
| Ti primeiro | |
|---|---|
| Desenvolvedor(es) | Melgo Cinema |
| Distribuidora(s) | Melgo Cinema |
| Director(es) | Roberto Alvite |
| Produtor(es) | Roberto Alvite |
| Escritor(es) | Roberto Alvite |
| Compositor(es) | Manuel García Vicente |
| Motor | Unity |
| Lanzamento | 10 de agosto de 2021 |
| Xénero | Videoxogo de aventura Novela visual Romance |
| Modos de xogo | Un xogador Pantalla táctil |
| Plataforma(s) | iOS, Android |
| Na rede | |
  | |
| [ editar datos en Wikidata ] | |
Argumento editar
O xogo segue etapas da vida conxunta de Álex (Iris Darriba) e Sebas (Roberto Alvite), unha parella de 30 anos que, tras oito meses de relación, intenta ter unha relación aberta.[2] Ao longo de tres episodios en distintos anos da súa vida, séguese a súa evolución como parella e como persoas, particularmente coa guía dun narrador omnisciente que critica personaxes e situacións á vez que serve de alivio cómico.
Mecánicas editar
A interactividade de Ti Primeiro limítase a seleccionar as decisións en momentos puntuais da historia, é dicir, o avance de lectura é automático. O creador, Roberto Alvite, buscaba unha experiencia sinxela para trasladar o formato de novela visual a novos públicos que nunca tiveran probado o formato por todo o mundo.[3] Ningunha ruta narrativa está plantexada como mellor que outra, senón que complementan o que o xogador coñece das personaxes.
Desenvolvemento editar
O guión do xogo foi escrito en abril de 2020, durante pleno confinamento pola pandemia de covid-19. Tras uns meses de preprodución, a rodaxe tivo lugar entre agosto e setembro do mesmo ano, para continuar con meses de posprodución, incluíndo a localización a seis linguas (galego, español, inglés, francés, italiano e portugués do Brasil), ata o seu lanzamento en agosto de 2021.[4]
Recepción editar
Un mes despois do seu lanzamento, Ti Primeiro sumaba máis de 10.000 descargas en máis de 30 países.[5] Entre as críticas recibidas, o portal Cinemagavia menciona aspectos positivos como que «o relato gaña, sobre todo, na temática que aborda, naturalizando conceptos como a comunicación en parella, a apertura das relacións, o desexo, a sexualidade diversa… e levándoos a unha relación coa que se podería identificar calquera persoa», e outros menos favorables como «un dos inconvintes que se atopa é que, en ocasións, resulta excesivamente longa e fáltalle maior dinamismo».[6]
Notas editar
- ↑ Redacción (27 de novembro de 2011). "Ti primeiro, la primera novela visual española en la que el lector decide el futuro de sus protagonistas". europapress.es (en castelán). Consultado o 19 de xuño de 2022.
- ↑ Taibo, Marieta (7 de setembro de 2021). "'Ti Primeiro', la novela romántica en la que puedes elegir el destino de sus protagonistas". cosmopolitan.com (en castelán). Consultado o 19 de xuño de 2022.
- ↑ García, María. "¿Son las novelas visuales el futuro de los libros?". rtve.es (en castelán). Consultado o 19 de xuño de 2021.
- ↑ Segura Albert, Luisa (4 de novembro de 2021). "Ti primeiro, una historia de amor diferente". rtve.es (en castelán). Consultado o 19 de xuño de 2022.
- ↑ García, Alejandra (9 de setembro de 2021). "La novela visual e interactiva ‘Ti Primeiro’ ya ha superado las 10.000 descargas". audiovisual451.com. Consultado o 19 de xuño de 2022.
- ↑ Da Costa, Diego (13 de setembro de 2021). ""Ti Primeiro": Abrazar al deseo y al romanticismo". cinemagavia.es (en castelán). Consultado o 19 de xuño de 2022.
Véxase tamén editar
Ligazóns externas editar
- Páxina web oficial
- Ti primeiro na IMDb (en inglés).