Thrymr (lúa)

Thrymr ou Saturno XXX, é unha pequena lúa de Saturno. Foi descuberta por Brett J. Gladman, e o seu equipo no ano 2000, e recibiu a designación temporal de S/2000 S 7.

Thrymr ten uns 5,6 kms de diámetro e orbita Saturno a unha distancia media de 20,810 millóns de kms en 1120,809 días, cunha inclinación orbital de 175° respecto da eclíptica (151° respecto do ecuador de Saturno), de movemento retrógrado e cunha excentricidade de 0,453. Thrymr podería estar formado a partir dos cascallos expulsados dos grandes impactos recibidos pola lúa Febe.

Recibiu o seu nome oficial a partir da mitoloxía nórdica, onde Thrymr era un Jotun ou xigante, coñecido por rouba-lo Mjolnir a Thor. O principio o nome oficial anunciado foi Thrym tal coma se pode ver na IAU Circular 8177, pero a UAI decidiría máis tarde engadirlle o -r final para darlle o caso nominativo á palabra base Thrym.

Notas

• IAUC 7538: S/2000 S 7, S/2000 S 8, S/2000 S 9 7 de decembro do 2000 (descubrimento)
• MPEC 2000-Y15: S/2000 S 1, S/2000 S 2, S/2000 S 7, S/2000 S 8, S/2000 S 9 19 de decembro do 2000 (descubrimento e efemérides)
• IAUC 8177: Satellites of Jupiter, Saturn, Uranus 8 de agosto do 2003 (bautizando a lúa como Thrym )
• IAUC 8471: Satellites of Saturn 21 de xaneiro do 2005 (corrixindo o nome)

Véxase tamén

Outros artigos

• Grupo Nórdico
• Saturno