Threskiornis

xénero de aves

Threskiornis é un xénero de aves da orde dos pelecaniformes da familia dos tresquiornítidos e subfamilia dos tresquiornitinos.[1][2]

Inclúe cinco especies vivas de ibis do Vello Mundo que habitan no sur de Asia, Australasia e na África subsahariana,[3] e unha máis, non voadora, extinguida no século XVIII.

Taxonomía editar

Descrición editar

O xénero foi descrito en 1842 polo naturalista inglés George Robert Gray, irmán do máis famoso John Edward Gray,[4] na súa obra A list of the genera of birds Ed.2, Appendix p. 13.[5]

Etimoloxía editar

O nome científico Threskiornis está formado pola raíz do adxectivo do grego antigo θρῆσκος, thrẽskos, "relixioso", "devoto", e o nome ὄρνις órnis, "paxaro", "ave".[6]

Especies e subespeces editar

Na actualidade, a maioría dos autores recoñecen no xénero as especies seguintes,[7][8][9][10] coas subespecies que se indican.[11]

Threskiornis G. R. Gray, 1842

Porén, algúns autores considean que Threskiornis bernieri (Bonaparte, 1855), de Madagascar, que está en perigo de extinción,[9] é unha subespecie do ibis sagrado, (Threskiornis aethiopicus bernieri).[Cómpre referencia]

Características editar

Os ibis adultos do xénero Threskiornis miden normalmente uns 75 cm de longo e teñen a plumaxe de corpo branca. A cabeza, o pescozo e as patas (espidas) son negras. A peteiro é groso e curvado. Ambos os sexos son semellantes, pero os inmaturos teñen o pescozo máis branco.

Threskiornis spinicollis difire das outras especies por ter as partes superiores escuras, polo que algúns autores sitúano nun xénero separado, Carphibis (Jameson, 1835), como Carphibis spinicollis.[12]

Bioloxía editar

Habitan en zonas húmidas pantanosas e aliméntanse de diversas especies de peixes, anfibios, crustáceos e insectos.

Son criadores coloniais que constrúen un niño de pau nunha árbore ou nun arbusto no que depositan de dous a catro ovos.

Notas editar

  1. Clements, J. F., T. S. Schulenberg, M. J. Iliff, B.L. Sullivan & C. L. Wood. (2010): The Clements checklist of birds of the world: Version 6.5. Cornell University Press. Downloadable from Cornell Lab of Ornithology.
  2. Peterson, A. P. (2010): Birds of the World - current valid scientific avian names.
  3. Ver Threskiornis na IOC World Bird List. Versión 9.2 (2019) Arquivado 23 de abril de 2020 en Wayback Machine. do Congreso Ornitolóxico Internacional.
  4. "Gray, George Robert (1808–1872)". En Oxford Dictionary of National Biography. Oxford University Press.
  5. Wikispecies.
  6. R. S. P. Beekes & Lucien Van Beek (2009): Leiden, Netherlands: Brill Netherlands. ISBN 978-9-0041-7418-4.
  7. Threskiornis G. R. Gray, 1842 no ITIS.
  8. Clements, J. F. (2012): The Clements Checklist of Birds of the World. Ithaca, NY, USA: Cornell University Press.
  9. 9,0 9,1 BirdLife International (2016): Threskiornis bernieri na Lista vermella da UICN.
  10. Madagascar Sacred Ibis. Threskiornis bernieri (Bonaparte 1855) na EOL.
  11. Threskiornis G. R. Gray, 1842. Especies e subespecies no ITIS.
  12. Jobling, J. A. (2019): Key to Scientific Names in Ornithology. En: del Hoyo, J., Elliott, A., Sargatal, J., Christie, D.A. & de Juana, E., eds.: Handbook of the Birds of the World Alive. Volume 1. Ostrich to Ducks Barcelona, España: Lynx Edicions. ISBN 978-84-8733-410-8.

Véxase tamén editar

Bibliografía editar

  • del Hoyo, J., Elliott, A., Sargatal, J., Christie, D.A. & de Juana, E., eds. (1992): Handbook of the Birds of the World Alive. Volume 1. Ostrich to Ducks. Barcelona, España: Lynx Edicions. ISBN 978-84-8733-410-8.
  • Lowe, Kim W. & Richards, Geraldine C. (1991): "Morphological variation in the Sacred Ibis Threskiornis aethiopicus superspecies complex". Emu 91 (1): 41–45.

Outros artigos editar

Ligazóns externas editar