The Breeders
The Breeders é unha banda de rock alternativo formada por Kim Deal (membro dos Pixies) e Tanya Donelly (de Throwing Muses). Activa desde 1988, experimentou varios cambios na súa formación, e na actualidade está composta por Kim Deal (voz e guitarra), a súa irmá xemelga Kelley Deal (guitarra e coros), José Medeles (batería e percusión), Mando López (baixo) e Cheryl Lyndsey (guitarra). O seu segundo álbum, Last Splash (1993), foi o máis éxitoso dos catro que editaron, acadando o posto 33 na lista Billboard.
| The Breeders | |
|---|---|
 | |
| Orixe | Boston, Massachusetts,  |
| Período | 1989 - 1995 1996 - 2003 2008 - presente |
| Xénero(s) | rock alternativo |
| Selo(s) discográfico(s) | 4AD, Elektra |
| Membros | Kim Deal Kelley Deal Josephine Wiggs Jim Macpherson |
| Antigos membros | Tanya Donelly Carrie Bradley Richard Presley Nate Farley Britt Walford Jose Medeles Mando Lopez |
| Na rede | |
| breedersdigest.net | |
                 | |
Biografía editar
Formación editar
O grupo formouse en 1988 en Boston, Massachusetts. Kim Deal (que asinaba como Mrs. John Murphy na época) tocaba o baixo nos Pixies e decidira iniciar un proxecto paralelo onde ela tivese máis autonomía para poñer en práctica a súa enerxía creativa e, en certo modo, deixar de ser a "sombra creativa" de Frank Black (na época Black Francis) nos Pixies.
Kim chamou a Tanya Donelly, integrante de Throwing Muses, banda tamén de Boston que tiña moito prestixio no underground estadounidense, sendo a primeira banda dese país en asinar co renomado selo británico 4AD. Tanya e Kim coñecéronse nun club en Boston en 1988 cando as dúas compositoras "frustradas" decidiran formar a súa propia banda. Elas pasaron os dous anos seguintes ensaiando e contando con varias formacións diferentes onde só as dúas líderes eran os integrantes efectivos. O nome escollido para a banda foi The Breeders, mesmo nome que Kim usaba en presentacións de música folk ao lado da súa irmá Kelley varios anos antes en Dayton, Ohio.
A banda gravou unha demo despois de recrutar á violinista e vocalista Carrie Bradley, e contando coa axuda de catro baterías e do baixista Ray Halliday. Unha vez rematada realizaron un concerto en The Rathskeller en Boston. O grupo envioulle a demo ao selo 4AD xa que era o que levaba tanto aos Pixies coma a Throwing Muses, e finalmete asinaron un contrato.
Pod editar
The Breeders quería regravar a demo para editala. 4AD entregoulles 11.000 dólares e contrataron a Steve Albini, que xa traballara con Deal no álbum dos Pixies Surfer Rosa, para gravar en Edimburgo durante dúas semanas. Josephine Wiggs, de The Perfect Disaster, uniuse á banda como baixista. The Breeders estaban aínda sen batería, polo que Albini recomendoulles a Britt Walford de Slint para que realizase as sesións de gravación. Walford aceptou e gravou as baterías, uníndose posteriormente a The Breeders co nome ficticio "Shannon Doughton".
Pod gravouse en só unha semana, polo que a banda usou o tempo restante en gravar varias caras-b, unha Peel Session e un vídeo para "Hellbound". Editado o 28 de maio de 1990, Pod, a pesar de non ser un éxito comercial, recibiu críticas moi positivas.
Safari e Last Splash editar
Despois de Pod, The Breeders regresaron aos seus proxectos. Pixies lanzou Bossanova en 1990 e Trompe le Monde en 1991, pero a finais dese ano baixaron o seu ritmo de actividade. Deal negouse a achegar material a un álbum dos Pixies, compoñendo unicamente para editar con The Breeders. A banda gravou o EP Safari a finais de 1991, xa coa irmá xemelga de Kim, Kelley Deal, na guitarra. Despois de gravar o EP, Donelly deixou a banda para formar Belly. Pixies parou as súas actividades a mediados de 1992, polo que Deal continuou compoñendo novo material para The Breeders. Nese tempo Walford era moi remiso a ser identificado como parte de The Breeders, e foi substituído polo batería Jim MacPherson. A banda xa se convertera nun equipo a tempo completo e foi abreconcertos de Nirvana na súa xira europea de 1992.
Coa separación dos Pixies en xaneiro de 1993, The Breeders regresaron ao estudio para gravar o seu segundo álbum. Last Splash apareceu no mes de agosto dese ano e foi un éxito comercial. Editáronse tres sinxelos do mesmo, incluído "Cannonball", que acadou o número 2 da Billboard Modern Rock Charts. Grazas a isto a súa popularidade aumentou, en 1994 Last Splash foi certificado platino pola RIAA e a bandaasegurou o seu posto na xira Lollapalooza.
Hiato editar
En 1995, Kelley Deal estivo involucrada nunha redada de drogas, polo que Kim Deal formou o proxecto paralelo The Amps con MacPherson, o baixista Luis Lerma e o guitarrista Nate Farley, que posteriormente tocaría en Guided by Voices. The Amps editaron o álbum Pacer en outubro de 1995. Despois da súa rehabilitación, Kelley iniciou o proxecto Kelley Deal 6000 e tamén formou The Last Hard Men co vocalista de Skid Row Sebastian Bach, o batería de The Smashing Pumpkins Jimmy Chamberlin e Jimmy Flemion de The Frogs.
En 1996 Kim Deal recuperou o nome de The Breeders para unha serie de concertos en California. A formación da banda nos mesmo era esencialmente a de The Amps xunto coa violinista Carrie Bradley. A banda intentou gravar o seu terceiro álbum en 1997, pero sen éxito. Kelley Deal regresou ao grupo o ano seguinte e gravou temas coa súa irmá, aínda que o único material editado durante ese período foi unha versión de The Three Degrees aparecida na película The Mod Squad en 1999.
Title TK editar
As irmás Deal recrutaron a novo persoal para continuar actuando no ano 2001, e volveron ao estudio co guitarrista Richard Presley, o baixista Mando Lopez e o batería Jose Medeles para gravar o terceiro álbum da banda, Title TK, con Steve Albini. The Breeders foron chamados e principios do 2002 pata actuar nun capítulo da serie Buffy the Vampire Slayer. O episodio emitiríase por vez primeira o 5 de novembro dese ano.
The Breeders contribuíron co tema "Wicked Little Town: Hedwig Version" ao álbum tributo a Hedwig and the Angry Inch Wig in a Box, aparecido no ano 2003.
No 2004, Warner Music Group anunciou os seus plans de botar a The Breeders do seu selo despois das pobres vendas do álbum Title TK.
Mountain Battles editar
O seu cuarto álbum, Mountain Battles, lanzouse en abril do ano 2008 a través do selo 4AD. Nel aparecen Kim e Kelley Deal, Jose Medeles e Mando Lopez. O seu terceiro EP, Fate to Fatal, sería editado o 21 de abril do 2009.
Discografía editar
Álbums editar
| Álbum | Ano | Selo |
|---|---|---|
| Pod | 1990 | 4AD |
| Last Splash | 1993 | 4AD |
| Title TK | 2002 | 4AD |
| Mountain Battles | 2008 | 4AD |
| All Nerve | 2018 | 4AD |
EPs editar
- Safari - 1992 (4AD)
- Head to Toe - 1994 (4AD)
- Fate to Fatal - 2009 (4AD)