The Aristocats

The Aristocats é un filme de animación de Disney producido e estreado por Walt Disney Productions en 1970. É o filme número vinte dos clásicos Walt Disney Animated Classics series, e baséase na historia de Tom McGowan e Tom Rowe, que xira arredor dunha familia de gatos aristócratas. O título é un xogo de palabras co termo inglés aristocrats.

The Aristocats
Ficha técnica
Título orixinal	The Aristocats
Director	Wolfgang Reitherman
Produtor	Winston Hibler Wolfgang Reitherman
Guión	Ken Anderson Larry Clemmons Eric Cleworth Vance Garry Tom McGowan Tom Rowe Julius Svendsen Frank Thomas Ralph Wright
Intérpretes	Phil Harris Eva Gabor Liz English Gary Dubin Dean Clark Sterling Holloway Roddy Maude-Roxby
Música	George Bruns Richard e Robert Sherman Georges Bizet (cancións)
Estudio	Walt Disney Productions
Distribuidora	Buena Vista Pictures
Estrea	1970
Duración	78 minutos
Orixe	Estados Unidos
Xénero	Animación, Infantil
Orzamento	$4 000 000
Recadación	$55 700 000
Na rede
https://movies.disney.com/the-aristocats

Sinopse

1910. En París, unha dama millonaria e excéntrica leva unha vida feliz cos seus gatos nunha enorme mansión, coa única axuda do seu mordomo Edgar. Alí, Duquesa vive despreocupadamente cos seus tres gatiños, sen saber que Edgar argalla acabar con todos os gatos para converterse no único herdeiro da enorme fortuna da Madame Bonfamille. Con este propósito, abandónaos nun lugar remoto, pero os gatos coñecen a Thomas O’Malley, un atractivo gato vagabundo. Dende o principio, O’Malley, atraído pola elegancia de Duquesa, proponse axudala a regresar a casa de Madame Bonfamille, aínda que para iso teña que enfrontarse cos perigos da gran cidade. Ademais contarán coa axuda de Scat Cat e os seus gatos swing, que engaden un toque de ritmo e diversión á vida de Duquesa e tres gatiños.

Personaxes

(Voces da dobraxe orixinal).

• Phil Harris como Thomas O'Malley
• Eva Gabor como Duquesa, a gata branca
• Roddy Maude-Roxby como Edgar
• Scatman Crothers como Scat Cat, o Gato Jazz
• Gary Dubin como Toulouse
• Liz English como Marie
• Dean Clark como Berlioz
• Sterling Holloway como Roquefort o rato
• Paul Winchell como Shun Gon, o gato chinés
• Lord Tim Hudson como Hit Cat, o gato inglés
• Vito Scotti como Peppo, o gato italiano
• Thurl Ravenscroft como Billy Boss, o gato ruso
• Pat Buttram como Napoleon, can
• George Lindsey como Lafayette, o Basset Hound
• Hermione Baddeley como Madame Adelaide Bonfamille
• Charles Lane como Georges Hautecourt o avogado
• Nancy Kulp como Frou-Frou, a egua
• Monica Evans como Abigail Gabble
• Carole Shelley como Amelia Gabble
• Bill Thompson como Tío Waldo
• Peter Renaday - Repartidor do leite/Cociñeiro de Le Petit Cafe/Condutor de camión
• Maurice Chevalier como Cantante