Soutolongo, Lalín

Para outras páxinas con títulos homónimos véxase: Soutolongo.

Santa María de Soutolongo é unha parroquia que se localiza no concello de Lalín. Segundo o IGE en 2011 tiña 290 habitantes (156 mulleres e 134 homes), distribuídos en 11 entidades de poboación, o que supón unha diminución en relación ao ano 1999 cando tiña 331 habitantes.

Soutolongo
Igrexa de Santa María de Soutolongo.
Concello	Lalín
Provincia	Pontevedra
Coordenadas	42°37′20″N 8°10′16″O
Área	7 km²
Poboación	290 hab. (2011)
Densidade	41,43 hab./km²
Entidades de poboación	11
[ editar datos en Wikidata ]

Nesta parroquia fundouse a Banda de música de Soutolongo e naceron os políticos Francisco Gil Taboada e Manuel Ferreiro Panadeiro.

Historia

A parroquia aparece citada como Saltum Longum nunha doazón feita á igrexa de Compostela en 1108 e crese que xa por entón tiñan aquí o seu castelo residencia os señores de Arias do Deza.

Patrimonio

O castro de Vilar está composto por un recinto central, cun amplo antecastro que se desenvolve cara ao sueste. As súas dimensión son: no eixo NL-SO mide 87 m polo interior e uns 100 m ao exterior; contando as estruturas exteriores á coroa chega aos 120 m. No eixo NO-SL mide uns 50 m no interior e 65 m polo exterior. O total do xacemento chega aos 160 m. A coroa está defendida por un terraplén artificial na súa metade leste, mentres que na zona oeste aproveita o terraplén natural cunha forte pendente cara ao río. No sector sueste hai un parapeto de terra defendendo a coroa, cunha altura máxima duns 2 m dende o interior.

O pazo de Des ocupa unha superficie de 1.000 metros cadrados sobre un soar do século XV. No conxunto arquitectónico destaca o edificio central de tres corpos de corte neoclásico. Mandouno construír Francisco Gil Taboada, Vicerrei do Perú e Director Xeral da Armada.

A igrexa parroquial é dun sobrio barroco, no seu interior hai dous sepulcros pegados e outros dous con estatuas xacentes correspondentes aos señores de Des. No muro exterior pódese ver o seu escudo e os seus retratos murais na sancristía.

Outras casas fidalgas son a de Viñoa e a dos Infanzóns, na que naceu Benito Varela Jácome.

Galería de imaxes

• 
  Estatua da Virxe na fachada da igrexa de Soutolongo.
• 
  Escola de Soutolongo.
• 
  Pinturas murais da igrexa de Soutolongo.
• 
  Francisco Gil Taboada.
• 
  Aldea de Vilar
• 
  Vista panorámica de Vista Alegre
• 
  Amencer en Vista Alegre
• 
  Amencer en Vista Alegre
• 
  Hórreo
• 
  Pilanco da Cal
• 
  Casa de Nogueiras
• 
  Pazo de Des

Lugares e parroquias

Véxase tamén

Outros artigos

• Galería de imaxes da igrexa de Santa María de Soutolongo
• Lugares de Lalín

Ligazóns externas

• Soutolongo na web do concello de LalínArquivado 25 de abril de 2016 en Wayback Machine.