Sonja Henie
Sonja Henie, nada en Oslo o 8 de abril de 1912 e finada na mesma cidade o 12 de outubro de 1969 foi unha patinadora norueguesa, campioa olímpica de patinaxe sobre xeo en tres ocasiones, dez veces campioa do mundo (1927-1936) e seis veces campioa de Europa (1931-1936). Desenvolveu tamén unha ampla traxectoria como actriz.
 | ||
| Patinaxe artística sobre xeo feminino | ||
| Ouro | 1928 | Patinaxe artística |
| Ouro | 1932 | Patinaxe artística |
| Ouro | 1936 | Patinaxe artística |
Traxectoria editar
Sonja Henie naceu en Cristiania (actual Oslo), filla de Wilhem Henie, campión do mundo de ciclismo e próspero comerciante de peles. O seu pai contratou os mellores adestradores do mundo incluíndo a bailarina rusa Tamara Karsavina, para converter a súa filla nunha celebridade do deporte. Logrou a medalla de ouro en tres xogos olímpicos consecutivos. Nos Xogos Olímpicos de 1924 en Chamonix, Sonja ocupou a oitava praza pero con tan só once anos e sendo xa campioa do seu país. Na seguinte edición dos xogos olímpicos acudiu como campioa do mundo (logrado en 1927 con tan só 14 anos) e logrou a súa primeira medalla de ouro olímpica. Dende ese momento logrou outras dúas medallas de ouro olímpicas máis nos xogos seguintes.
Sonja foi a primeira patinadora en adoptar como vestimenta a saia característica das patinadoras e de realizar elaboradas coreografías. A súa técnica innovadora e o seu estilo elegante transformaron o deporte da patinaxe e convertérona nunha lenda deste deporte. Tamén foi unha boa xogadora de tenis.
Henie chegou a ser tan popular que a policía tiña que intervir nas súas aparicións públicas para controlar a gran masa de afeccionados. Trala súa terceira medalla de ouro olímpica nos Xogos de Garmisch-Partenkirchen, en 1936, Sonia pasou ao profesionalismo participando en diversos espectáculos onde logrou grande éxito, sobre todo nos Estados Unidos. En 1938 publicou a súa autobiografía, que foi reeditada e volta a publicar en 1954. En 1941 logrou a nacionalidade norteamericana. Retirouse das actuacións en 1958 co filme Hello, London.
Casou en tres ocasiones, con Dan Topping, Winthrop Gardiner, e finalmente co rico mecenas de arte noruegués Niels Onstad en 1956. Xuntos fixaron a súa residencia en Oslo onde acumularon unha importante colección de arte moderna que serviu para a creación do Henie-Onstad Art Centre en Høvikodden, preto de Oslo.
A mediados dos anos 60 foi diagnosticada de leucemia, a cal lle provocou a morte en 1969 á idade de 57 anos durante un voo entre París e Oslo.
Controversia editar
As conexións de Henie con Adolf Hitler e outros altos funcionarios nazis foi obxecto de controversia antes, durante e despois da segunda guerra mundial. Durante a súa carreira como patinadora, presentouse frecuentemente en Alemaña e era unha das artistas favoritas do público alemán e persoalmente de Hitles.
A controversia xurdiu cando Henie recibiu a Hitler cun saúdo nazi durante unha exposición en Berlín antes dos Xogos Olímpicos de Inverno de 1936, polo que foi fortemente criticada pola prensa norueguesa. Henie non repetiu o saúdo nos xogos de Garmisch-Partenkirchen, mais tras a competición aceptou un convite para xantar con Hitler na súa casa das proximidades de Berchtesgaden, onde Hitler presentou a Henie cunha foto autografada. Despois de comezar a súa carreira no cinema, Henie mantivo estas conexións, por exemplo, organizando persoalmente con Joseph Goebbels o lanzamento do seu primeiro filme, One in a Million (1936), en Alemaña. Durante a ocupación de Noruega pola Alemaña nazi, as tropas alemás viron unha foto autografada de Hitler no piano da casa da familia Henie en Landøya, Asker.[1] Como resultado, ningunha das propiedades de Henie en Noruega foron confiscadas ou damnificadas polos alemáns.
Henie nacionalizouse estadounidense en 1941 e como moitas estrelas de Hollywood, apoiou o esforzo de guerra do paías mediante a United Service Organization e actividades similares; con todo, tivo coidado de evitar apoiar o movemento de resistencia norueguesa ou faces declaracións públicas contra os nazis. Iso fixo que fose criticada por noruegueses e estadounidenses, aínda que fixo un retorno triunfal a Noruega coa súa xira Holiday on Ice en 1953 e 1955.
Resultados editar
Individuais editar
| Ano | 1923 | 1924 | 1925 | 1926 | 1927 | 1928 | 1929 | 1930 | 1931 | 1932 | 1933 | 1934 | 1935 | 1936 |
|---|---|---|---|---|---|---|---|---|---|---|---|---|---|---|
| Xogos Olímpicos de Inverno | 8.ª | 1.ª | 1.ª | 1.ª | ||||||||||
| Campionato do Mundo | 5.ª | 2.ª | 1.ª | 1.ª | 1.ª | 1.ª | 1.ª | 1.ª | 1.ª | 1.ª | 1.ª | 1.ª | ||
| Campionato de Europa | 1.ª | 1.ª | 1.ª | 1.ª | 1.ª | 1.ª | ||||||||
| Campionato de Noruega | 1.ª | 1.ª | 1.ª | 1.ª | 1.ª | 1.ª | 1.ª |
Parellas editar
(con Arne Lie)
| Ano | 1926 | 1927 | 1928 |
|---|---|---|---|
| Campionato do Mundo | 5.ª | ||
| Campionato de Noruega | 1.ª | 1.ª | 1.ª |
Distincións editar
- En 1938, con vinte e cinco anos, converteuse na persoa máis nova declarada cabaleiro de primeira clase da Real Orde Norueguesa de San Olav.
- World Figure Skating Hall of Fame (1976).[2]
- International Women's Sports Hall of Fame (1982).[3]
- Ten unha estrela no Paseo da Fama de Hollywood.
Filmografía editar
| Ano | Título | Personaxe |
|---|---|---|
| 1927 | Seven Days for Elizabeth | Patinadora |
| 1929 | Se Norge | Ela mesma |
| 1936 | One in a Million | Greta "Gretchen" Muller |
| 1937 | Thin Ice | Lili Heiser |
| Ali Baba Goes to Town | Ela mesma (cameo) | |
| 1938 | Happy Landing | Trudy Ericksen |
| My Lucky Star | Krista Nielsen | |
| 1939 | Second Fiddle | Trudi Hovland |
| Everything Happens at Night | Louise | |
| 1941 | Sun Valley Serenade | Karen Benson |
| 1942 | Iceland | Katina Jonsdottir |
| 1943 | Wintertime | Nora |
| 1945 | It's a Pleasure | Chris Linden |
| 1948 | The Countess of Monte Cristo | Karen Kirsten |
| 1958 | Hello London | Ela mesma |
Notas editar
- ↑ "Sonja Henie". Consultado o 8 de agosto de 2016.
- ↑ "World Hall of Fame Members". Arquivado dende o orixinal o 20 de xullo de 2019. Consultado o 17 de decembro de 2017.
- ↑ "International Women's Sports Hall of Fame". Arquivado dende o orixinal o 27 de novembro de 2014. Consultado o 17 de decembro de 2017.
Véxase tamén editar
Wikimedia Commons ten máis contidos multimedia na categoría: Sonja Henie  |
Ligazóns externas editar
- CNNSI.com - 100 Greatest Female Athletes
- Perfil en olympic.org
- Whims of Fate: Sonja Henie
- Sonja Heine por Reidar Børjeson
- Sonja Henie Snapshot - Fan website
- Fotografías de Sonja Henie
- Filmografía de Sonja Henie en YouTube