Solenoide alfa
O solenoide alfa é un tipo de pregamento da estrutura terciaria das proteínas, que se atopa nas subunidades proteicas dos complexos colleitadores de luz, particularmente nas proteínas clorofila peridinina dos dinoflaxelados [1], e formando dominios de proteínas eucarióticas de maior tamaño que forman parte do complexo do poro nuclear [2]. O pregamento consiste en varias hélices alfa dispostas formando un patrón curvado que lembra a un barril beta de tipo brazo de xitano ou remuíño (jellyroll).
O grao de curvatura do solenoide alfa depende da súa secuencia primaria de aminoácidos. Os solenoides moi curvados teñen patróns de secuencias predicibles e levaron á identificación de probables compoñentes de tipo solenoide no proteasoma [3].
Notas editar
- ↑ Hofmann E, Wrench PM, Sharples FP, Hiller RG, Welte W, Diederichs K. (1996). Structural basis of light harvesting by carotenoids: peridinin-chlorophyll-protein from Amphidinium carterae. Science 272(5269):1788-91.
- ↑ Devos D, Dokudovskaya S, Alber F, Williams R, Chait BT, Sali A, Rout MP. (2004). Components of coated vesicles and nuclear pore complexes share a common molecular architecture. PLoS Biol 2(12):e380.
- ↑ Kajava AV. (2002). What curves alpha-solenoids? Evidence for an alpha-helical toroid structure of Rpn1 and Rpn2 proteins of the 26 S proteasome. J Biol Chem 277(51):49791-8.