Sociedade de clasificación

As Sociedades de Clasificación son organizacións xurdidas no sector naval e adicadas á seguridade marítima, humana e do ambiente e non vencelladas a ningún goberno estatal.

Certificado Lloyd's Register para liña de carga (marca Plimsoll).

Historia

As sociedades de clasificación xurdiron na segunda metade do século XVIII pola necesidade de garantir a seguridade no sector naval. Ofrecer información dos buques, armadores, aseguradores e a administración. Nun principio eran só listas nas que se informaba do estado xeral do buque por medio dunhas valoracións. Canto mellor era o buque recibía unha máis alta puntuación e polo tanto era premiado con custos do seguro máis baixos. Co tempo estas valoracións limítanse aos dous únicos niveis actuais: A1 ou non válido. As sociedades de clasificación ofrecen servizos de asesoramento e información no sector naval. Nos últimos anos ampliaron o seu sector de traballo dando tamén servizos a todo tipo de industrias.

Os buques a artefactos flotantes deben ser deseñados, construídos, operados e reparados segundo as normativas da sociedade de clasificación na que estean rexistrados.

Principais sociedades de clasificación

A nivel mundial son só tres as sociedades de clasificación máis importantes: Lloyd's Register que é a máis antiga, American Bureau of Shipping e Det Norske Veritas aínda que existen outras que prestan servizos.

Nome	Siglas	Data	Sede	Membro de IACS
Lloyd's Register	LR	1760	Londres
Bureau Veritas	BV	1828	París
Registro Italiano Navale	RINA	1861	Xénova
American Bureau of Shipping	ABS	1862	Houston
Det Norske Veritas	DNV	1864	Oslo
Germanischer Lloyd	GL	1867	Hamburgo
Nippon Kaiji Kyokai (Tamén chamada ClassNK)	NK	1899	Toquio
Russian Maritime Register of Shipping (Российский морской регистр судоходства)	RS	1913	San Petersburgo
Overseas Marine Certification Services	OMCS	2004	Panamá
China Corporation Register of Shipping	CR	1951	Taipei
China Classification Society	CCS	1956	Pequín
Indian Register of Shipping	IRS	1975	Bombai
Brazilian Register of Shipping (Registro Brasileiro de Navios)	RBNA	1982	Río de Xaneiro
IACS, International Association of Classification Societies.