Sitta von Reden
Sitta von Reden, nada en 1962 en Hannover, na Baixa Saxonia, é unha historiadora alemá especialista na Antigüidade, profesora de Historia Antiga na Universidade Albert-Ludwig de Friburgo. As súas investigacións céntranse na economía e a circulación monetaria na Antigüidade, e na historia social e cultural do mundo greco-romano.[1]
 Sitta von Reden en 2014 | |
| Biografía | |
|---|---|
| Nacemento | 1962 Hannover, Alemaña  |
| Datos persoais | |
| País de nacionalidade | Alemá. |
| Educación | - Universidade Albert-Ludwig (Friburgo). - Universidade Libre de Berlín. - Universidade de Cambridge. |
| Coñecido por | Estudos sobre economía e circulación monetaria na Antigüidade. |
| Actividade | |
| Campo de traballo | Historiografía e numismática |
| Lugar de traballo | Augsburgo Friburgo |
| Ocupación | profesora universitaria , exiptóloga , historiadora da antigüidade clásica , numismático |
| Empregador | Universidade de Freiburg im Breisgau |
| Lingua | Lingua inglesa |
Traxectoria editar
Von Reden estudou Economía e Historia na Universidade Albert-Ludwig, na que se graduou en 1987, e a continuación cursou estudos de Filoloxía Clásica e de Historia na Universidade Libre de Berlín e na Univarsidade de Cambridge. Nesta última acadou o seu doutoramento en Historia Antiga en 1993, cunha tese que foi premiada pola Fundación Helénica de Oxford.[1]
Logo de varios anos de ensino e investigación en diferentes institucións universitarias británicas, von Reden acadou en 2005 a habilitación na Universidade de Augsburgo, co traballo Monetization in 3rd -century BC Egypt, e a partir de aí impartiu clases de Historia Antiga nese mesmo centro, na Universidade de Münster e na Universidade de Múnic. Entre 2013 e 2014 colaborou tamén co Instituto de Estudos Avanzados de Princeton.[1][2]
Sitta von Reden foi profesora de Historia Antiga da Universidade Albert-Ludwig de Friburgo desde o 1 de abril de 2010, cun foco especial na historia da Antiga Grecia, e actualmente ocupa a cátedra desa materia.[1][3]
A súa publicación Money in Classical Antiquity, de 2010, foi considerada como "unha introdución admirable a algúns dos temas principais nos debates actuais sobre o uso do diñeiro no mundo clásico".[4]
En marzo de 2017, Reden foi merecedora dun fondo avanzado do Consello Europeo de Investigación (ERC) para o desenvolvemento do seu proxecto Beyond the Silk Road, dotado con dous millóns e medio de euros.[1][2][3]
Publicacións editar
- (1995): Exchange in Ancient Greece. Londres. Duckworth. ISBN 978-0715626009
- (1998): Kosmos: Essays in Order, Conflict and Community in Classical Athens (con P. Cartledge e P. Millett). Cambridge University Press. ISBN 978-0521570817
- (2002): The Ancient Economy (con W. Scheidel). Routledge. ISBN 978-0415941891
- (2007): Money in Ptolemaic Egypt: From the Macedonian Conquest to the End of the Third Century BC. Cambridge University Press. ISBN 978-0521852647
- (2010): Money in Classical Antiquity. Cambridge University Press. ISBN 978-0521453370
- (2015): Antike Wirtschaft. Berlín. De Gruyter Oldenbourg . ISBN 978-3486597004
- (2015): Stiftungen Zwischen Politik Und Wirtschaft: Geschichte Und Gegenwart Im Dialog. Berlín. De Gruyter Oldenbourg. ISBN 978-3110399752
- (2015): Wasser: Alltagsbedarf, Ingenieurskunst und Repräsentation zwischen Antike und Neuzeit (con Wieland, C.). V&R Academic. ISBN 978-3525317181
- (2015): Archeologia Classica. Vol. LXVI (con Wieland, C.). L'Erma di Bretschneider. ISBN 978-8891309235
- (2016): Money and Prices in the Papyri, Ptolemaic Period. Oxford Handbooks Online.
- (2017): Economie et inegalite: ressources, échanges et pouvoir dans l'Antiquite Classique. Fondation Hardt. ISBN 978-2600007634
- (2919): Handbook of Ancient Afro-Eurasian Economies. Volume 1: Contexts. Berlín. De Gruyter Oldenbourg. ISBN 978-3110604511
Notas editar
- ↑ 1,0 1,1 1,2 1,3 1,4 "CV: Sitta von Reden". Seminar für Alte Geschichte. Universidade Albert-Ludwig.
- ↑ 2,0 2,1 "ERC Advanced Grant for Sitta von Reden". Albert-Ludwigs-Universität Freiburg.
- ↑ 3,0 3,1 "Sitta von Reden". Seminar für Alte Geschichte. Universidade Albert-Ludwig.
- ↑ Bangm O. B. (2014). "S. von Reden, Money in Classical Antiquity [...]". En The Journal of Roman Studies. Vol. 104. Páxina 292.