Shirley Temple

Shirley Jane Temple, nada en Santa Monica (California) o 23 de abril de 1928 e finada en Woodside, no mesmo estado, o 10 de febreiro de 2014, foi unha diplomática estadounidense e antiga actriz infantil. Protagonizou máis de 40 películas de cinema durante os anos 1930.

Shirley Temple

(1948)
Biografía
Nacemento	23 de abril de 1928 Santa Monica, Estados Unidos de América
Morte	10 de febreiro de 2014 (85 anos) Woodside, Estados Unidos de América (pt)
Causa da morte	Doenza pulmonar obstructiva crónica
Lugar de sepultura	Alta Mesa Memorial Park (pt)
United States Ambassador to Czechoslovakia (en)
23 de agosto de 1989 – 12 de xullo de 1992 ← Julian Niemczyk (en) – Adrian A. Basora (pt)  →
Chief of Protocol of the United States (en)
1 de xullo de 1976 – 21 de xaneiro de 1977 ← Henry E. Catto Jr. (pt) – Evan Dobelle (pt)  →
United States Ambassador to Ghana (en)
6 de decembro de 1974 – 13 de xullo de 1976 – Robert P. Smith (en)  →
Datos persoais
País de nacionalidade	Estados Unidos de América
Educación	Harvard-Westlake School (en)
Actividade
Lugar de traballo	Estados Unidos de América
Ocupación	diplomática (1969–1992), política (1967–1992), actriz (–1965), actriz de televisión (1958–1965), actriz de cinema (–1950), bailarina (–década de 1940), actriz infantil (–década de 1940), cantante (–década de 1940)
Período de actividade	1932 - 1963
Partido político	Partido Republicano
Lingua	Lingua inglesa
Selo discográfico	RCA Victor
Familia
Cónxuxe	Charles Alden Black (pt) (1950–2005), morte do cónxuxe John Agar (pt) (1945–1950)
Fillos	Lori Black
Pais	George Francis Temple (en)   e Gertrude Amelia Temple (en)
Premios (2006)  premio de Honra do Sindicato de Actores (1998)  Premio Kennedy (6 de maio de 1990)  honorary citizen of Plzeň (en) (1970)  Golden Plate Award (en) (8 de febreiro de 1960)  estrela no Paseo da Fama de Hollywood (1935)  Óscar Xuvenil
Sinatura
Páxina web	shirleytemple.com

Traxectoria

Shirley Temple cando era nena, en 1933.

Ninguén sabe cando Shirley Temple comezou a facer películas xa que os estudios FOX fixeron un certificado de nacemento falso. Entre finais de 1931 e 1933 apareceu en dúas series de curtas para Educational Pictures. A súa primeira serie, Baby Burlesks, satirizaba as películas e política recentes. As series foron consideradas polémicas por algúns telespectadores pola súa representación de nenos pequenos en situacións adultas. A súa segunda serie en Educational, Frolics of Youth, foi un pouco máis aceptable e fixo o papel dunha irritante irmá máis nova nunha familia suburbana contemporánea.

Mentres traballaba para Educational Pictures, Temple tamén interpretou moitos papeis de figurante en diferentes películas. Finalmente asinou con Fox Film Corporation (que máis tarde se fusionou con 20th Century Pictures para converterse en 20th Century Fox) a finais de 1933 despois de aparecer en Stand Up and Cheer! con James Dunn. Máis tarde, fixo parella no cinema con Dunn en varias películas.

Amorne estaría con Fox até 1940, converténdose na actriz máis lucrativa para o estudio. O seu contrato foi corrixido varias veces entre 1933 e 1935, e foi prestada a Paramount para un par de películas exitosas en 1934. Durante catro anos sólidos, figurou como a estrela máis popular dos Estados Unidos. Para mantela na súa infancia, o certificado de nacemento de Shirley fora alterado. Só no seu duodécimo aniversario deuse conta de que tiña de feito trece.

A súa popularidade gañou tanto a súa adulación pública como a aprobación dos seus colegas. Mesmo con cinco anos, o selo das súas actuacións era o seu profesionalismo: sempre tiña as súas frases memorizadas e os seus pasos de baile preparados cando a rodaxe comezaba. Foi a primeira receptora do Óscar Xuvenil en 1935. Setenta anos máis tarde, Temple era aínda a intérprete máis nova de toda a historia do cinema en recibir esta honra. Foi tamén a actriz máis nova en engadir as pegadas de pés e mans no exterior do Grauman's Chinese Theatre.

Morte

Shirley Temple faleceu de causas naturais na noite do 10 de febreiro de 2014, á idade de 85 anos na súa casa en Woodside, California, rodeada da súa familia e seres queridos. Sobrevívenlle os seus tres fillos, así como os seus netos e bisnetos.