Serra (xeografía)

conxunto de montañas dentro doutro conxunto máis grande, como é unha cordilleira

Unha serra (do idioma latín sĕrra), é un conxunto de montañas dentro doutro conxunto máis grande, como é unha cordilleira cuxa liña de cumes ten forma aserrada ou crebada, que pola súa forma recorda unha serra.[1] Polo xeral é máis longa que alta e o seu eixo central denomínase eixo orográfico. As serras poden ter dimensións que exceden o centenar de quilómetros. Dentro dunha serra pódense atopar algúns macizos, que se diferencian pola mesma agrupación de cimas cunha maior altitude respecto ao resto de montañas ou porque se elevan dunha forma singular entre un espazo relativamente plano (por exemplos o macizo de Montserrat).

Serras de España editar

Véxase tamén: Comarcas de Galicia.

Os sistemas montañosos de España divídense en serras. Por exemplo, o Sistema Central na serra de Gredos, serra de Guadarrama, Somosierra e serra de Ayllón, enlazando co Sistema Ibérico en Serra Ministra. Este á súa vez comprende, ao norte, a serra de Atapuerca, a serra de la Demanda ou a serra do Moncayo; e ao sur a serra de Albarracín, entre outras. Noutras ocasións a totalidade da serra, como é o caso de Serra Morena, sen prexuízo de que tamén se subdivida noutras serras máis reducidas, como a (serra de Aracena ou a serra dos Pedroches. O caso de Serra Nevada é lixeiramente distinto, posto que non se identifica tanto coa totalidade da súa cordilleira (a Penibética) como co seu parte central e máis elevada, e xunto coa serra dos Filabres denomina o complexo nevado-filábride, o complexo tectónico máis baixo do conxunto de mantos da zona interna da cordilleira.

Co nome de «serranía» denomínanse moitas comarcas: Serranía de Guadalaxara, Serranía de Cuenca, Serranía de Rolda, etc.

Co nome de «serrano» (equivalente a montañés) denomínase aos habitantes das comarcas serranas, serras e serranías. Deu orixe a un apelido español. Serranilla é o nome dun xénero de poesía, nomeado así polas «serranas», que asaltaban aos viaxeiros (A Serrana da Beira).

Hai unha Serrezuela en Segovia e unha Serrota en Ávila. Serreta é unha denominación común para moitos topónimos.

 
Cara sur da Serra de Gredos desde Oropesa (Toledo).

Notas editar

Véxase tamén editar

Outros artigos editar