Scyphate
Scyphate é un termo utilizado adoito no ámbito numismático para se referir ás moedas do Imperio Bizantino de forma cóncava, de cunca ou escudela, cuñadas entre os séculos XI e XIV, en cobre, en prata, en ouro e nas súas aliaxes, como o billón e o electro.[1]
As razóns deste tipo de emisións non están claras, xa que dificultaban notablemente o proceso de fabricación ao esixir unha dobre cuñaxe, aínda que se apunta que podería deberse a facilitar o seu empillamento e, xa que logo, o seu transporte a diversos lugares do Imperio.[2] [3][4][5][6]
O uso desta denominación xeneralizouse ao longo do século XIX, aínda que xa se documenta en documentos do sur de Italiados séculos XI e XII, como unha bula de Inocencio II (1130-1143). Canto á súa etimoloxía, debátese se a súa orixe está no grego σκύφος (skyphos "escudela", "cunca") ou no vocábulo árabe shafah ("canto, bordo"), que faría referencia ao característico e sobresaínte bordo dos primeiros exemplares de histamenon de ouro.[7][8]
Unha denominación alternativa, tamén amplamente utilizada para este tipo de moedas do Imperio Bizantino, é trachy (plural τραχέα, trachea), co significado de "áspero" ou "desigual" e con orixe na expresión grega νόμισμα τραχύ (nómisma trachý), e que adoita aparecer asociada ao nome dalgunha destas moedas, como é o caso do hyperpyron trachy, o aspron trachy, etc.[9][10][11]
Notas editar
- ↑ "Scyphate". En Forum Ancient Coins.
- ↑ Bendall, S.; Sellwood, D. "The Method of Striking Scyphate Coins Using Two Obverse Dies: In the Light of an Early Thirteenth Century Hoard". En The Numismatic Chronicle. Serie 7ª. Vol 18 (138). 1978. Páxinas 93-104.
- ↑ Vicente, J. R. "Las monedas copa bizantinas". En Curiosidades Numismaticas. 2014
- ↑ Trivero Rivera, Alberto. "Ipotesi circa la tecnica di coniazione dei trachy". En Monete Antiche. Nº 43. 2009
- ↑ Bendall, Simon. “The double striking of late Byzantine concave coins”. En The Celator. Nº 6. Xuño de 1998. Páxinas 20-26.
- ↑ Markowitz, Mike. "Why did Byzantine Coinage Become Cup-shaped in the XIth Century?".
- ↑ Grierson (1999). Páxina 59.
- ↑ Kazhdan (1991). Páxina 1.857.
- ↑ "Trachy". En Forum Ancient Coins.
- ↑ "Trachy". En Tipos de monedas bizantinas. www.tesorillo.com
- ↑ Kazhdan (1991). Páxina 1.857, 2.101
Véxase tamén editar
Wikimedia Commons ten máis contidos multimedia na categoría: Scyphate  |
Outros artigos editar
Bibliografía editar
- Grierson, Philip. Byzantine coinage. Dumbarton Oaks. 1999. ISBN 978-0-88402-274-9
- Grierson, Philip. "Nummi scyphati. The Story of a Misunderstanding". En The Numismatic Chronicle. 7ª serie. Vol 11. 1971. Páxinas 253-260.
- Kazhdan, Alexander Petrovich, ed. The Oxford Dictionary of Byzantium. Oxford University Press, 1991. ISBN 978-0-19-504652-6
- Metcalf, D. M. "Byzantine Scyphate Bronze Coinage in Greece". En The Annual of the British School at Athens. Vol 56. 1961. Páxinas 42-63.
- Sabatier, Justin. Description générale des monnaies byzantines frappées sous les Empereurs d'Orient. 2 vol. París, 1862
Ligazóns externas editar
- "Scyphate" e "trachy". Catálogo con imaxes e descricións en Coin Archives.
- Moedas bizantinas catalogadas por orde cronolóxica de emperadores
- Moedas bizantinas catalogadas segundo a o bran de Sear: Byzantine Coins & Their Values
- Digital Library Numis Arquivado 05 de xullo de 2018 en Wayback Machine. (bibliografía en liña de numismática bizantina)