Schleswig-Holstein
Schleswig-Holstein é un dos 16 Estados federados de Alemaña. É o estado máis setentrional do país e comprende a maior parte do Ducado de Holstein e o sur do Ducado de Schleswig.
| |||||
| Lema | «Der echte Norden»  | ||||
|---|---|---|---|---|---|
| Localización | |||||
| |||||
| Estado | Alemaña | ||||
| Capital | Kiel | ||||
| Contén a división administrativa | Dithmarschen (pt)  Flensburgo Herzogtum Lauenburg (pt) Kiel Lübeck Neumünster Norderdithmarschen District (en) (1946–1970)Nordfriesland (pt) Ostholstein (pt) Pinneberg (pt) Plön (pt) Rendsburg-Eckernförde (pt) Schleswig-Flensburg (pt) Segeberg (pt) Steinburg (pt) Stormarn (pt) Süderdithmarschen District (en) (1946–1970) | ||||
| Poboación | |||||
| Poboación | 2.953.270 (2022) (186,87 hab./km²) | ||||
| Lingua usada | lingua dinamarquesa Lingua frisoa setentrional | ||||
| Xeografía | |||||
| Superficie | 15.804,28 km² | ||||
| Altitude | 12 m | ||||
| Punto máis alto | Bungsberg (en) (168 m) | ||||
| Comparte fronteira con | |||||
| Datos históricos | |||||
| Precedido por | |||||
| Creación | 23 de agosto de 1946 | ||||
| Organización política | |||||
| • Minister-President of Schleswig-Holstein (en) | Daniel Günther (pt) (2017–) | ||||
| Órgano lexislativo | Landtag of Schleswig-Holstein (en) , (Escano: 69) | ||||
| Máxima autoridade xudicial | State Constitutional Court of Schleswig-Holstein (en) | ||||
| Membro de | |||||
| ISO 3166-2 | DE-SH | ||||
| Código NUTS | DEF | ||||
| Clave de rexión en Alemaña | 01 | ||||
| Outro | |||||
| Irmandado con | Zhejiang (pt) (1986–)Voivodia da Pomerânia (pt) (1992–)País do Loira (1992–) Prefectura de Hyōgo (1995–) Jutlândia do Sul (pt) (2001–)Maryland (2002–) Óblast de Kaliningrado (2004–) | ||||
| Páxina web | schleswig-holstein.de | ||||
Historia editar
O termo "Holstein" deriva do saxón antigo Holseta Land e referíase á tribo central das tres tribos saxoas ao norte do río Elba, Tedmarsgoi, Holstein e Sturmarii. O termo "Schleswig" vén da cidade de Schleswig. O Ducado de Schleswig foi orixinariamente parte de Dinamarca. Tanto Schleswig como Holstein pertenceron ao longo da súa historia en parte ou completamente tanto a Dinamarca como a Alemaña e mesmo foron virtualmente independentes de ambos. A excepción é que Schleswig non formou parte nunca de Alemaña ata a Segunda Guerra de Schleswig en 1864.
O nacionalismo alemán que seguiu ás guerras napoleónicas impulsou un forte movemento popular en Holstein e no sur de Schleswig para a unificación con Prusia. Este movemento foi tamén forte en Dinamarca e no norte de Schleswig reclamando a reintegración de Schleswig no reino de Dinamarca.
Tralo fin da guerra Austro-Prusiana en 1866 acordouse que o pobo do norte de Schleswig sería consultado nun referendo sobre a súa permanencia en Prusia ou volver a Dinamarca. A condición, porén, non foi cumprida. A derrota de Alemaña na primeira guerra mundial os aliados organizaron finalmente o referendo. No norte (10 de febreiro de 1920) os partidarios da unificación con Dinamarca lograron o 75% dos votos. No Schleswig central (14 de marzo de 1920) o 80% votou por Alemaña. No sur non se levou a cabo plebiscito ningún.[1] O 15 de xuño de 1920 o norte de Schleswig volveu a Dinamarca. Esta fronteira foi a única das impostas no Tratado de Versalles que non foi desafiada por Adolf Hitler.
Trala segunda guerra mundial, a provincia prusiana de Schleswig-Holstein entrou na área de ocupación británica. O 23 de agosto de 1946 o goberno militar aboliu a provincia e reconstituíuna como Land separado.[2] Debido ás migracións forzosas de alemáns entre 1944 e 1950 a poboación do estado incrementouse nun 33% (860 000 persoas).[3]
Xeografía editar
Schleswig-Holstein localízase na base da península de Xutlandia entre o mar do Norte e o mar Báltico. Na parte occidental do estado as terras baixas non teñen outeiros. Xunto coas Illas Frisoas Setentrionais forma o Nationalpark Schleswig-Holsteinisches Wattenmeer, que é o maior parque nacional de Europa Central.
A costa do mar Báltico está marcada polas baías, fiordes e cantís.
División administrativa editar
.svg)
Schleswig-Holstein divídese en 11 distritos, chamados Kreise:
- Dithmarschen
- Lauenburg (oficialmente Herzogtum Lauenburg ou "Ducado de Lauenburg")
- Nordfriesland
- Ostholstein
- Pinneberg
- Plön
- Rendsburg-Eckernförde
- Schleswig-Flensburg
- Segeberg
- Steinburg
- Stormarn
Hai ademais catro distritos urbanos (Stadtbezirk):
- KI - Kiel
- HL - Hansestadt ("cidade hanseática") Lübeck
- NMS - Neumünster
- FL - Flensburg
Economía editar
Schleswig-Holstein é o estado líder na industria das enerxías renovables de Alemaña.[4] En 2014 converteuse no primeiro estado alemán en cubrir o 100% da súa demanda de enerxía con estas enerxías (especialmente eólica, solar e de biomasa).[5]
Notas editar
- ↑ Schwedler, Frank: Historischer Atlas Schleswig-Holstein 1867 bis 1945, Wachholtz Verlag, Neumünster
- ↑ "Ordinance No. 46, Abolition of the Provinces in the British Zone of the Former State of Prussia and Reconstitution thereof as Separate Länder" (PDF). Consultado o 17 de maio de 2019.
- ↑ Flucht und Vertreibung en Haus der Geschichte (en alemán)
- ↑ Gero Rueter (10 de setembro de 2013). "Northern Germany spearheads energy transition". Deutsche Welle. Consultado o 21 de agosto de 2015.
- ↑ Waselikowski, Lisa (8 de xaneiro de 2015). "Highlight of the Month: The First German State Achieves 100% Renewable Energy". Worldwatch Institute. Consultado o 21 de agosto de 2015.