Sante Ceccherini
Sante Lorenzo Minotti Ceccherini, nado en Incisa in Val d'Arno o 15 de novembro de 1863 e finado en Marina di Pisa o 9 de agosto de 1932, foi un militar e tirador de esgrima italiano, merecente de tres medallas de prata ao valor militar e gañador dunha medalla olímpica.
.jpg)  | |
| Biografía | |
|---|---|
| Nacemento | 15 de novembro de 1863 Incisa in Val d'Arno (pt)  |
| Morte | 9 de agosto de 1932 (68 anos) Marina di Pisa (en) |
| Datos persoais | |
| País de nacionalidade | Reino de Italia |
| Actividade | |
| Ocupación | militar , político , esgrimista |
| Carreira militar | |
| Rama militar | Regio Esercito (pt) |
| Rango militar | Xeneral |
| Conflito | Primeira guerra mundial e Guerra Ítalo-Turca (pt) |
| Deporte | esgrima |
| Participou en | |
| 1908 | fencing at the 1908 Summer Olympics – men's team sabre (en) (medalla de prata olímpica) |
Traxectoria editar
Estudou no colexio militar de Florencia desde os quince anos, seguindo despois os seus estudos na Academia Militar de Módena, ascendendo a subtenente en 1884 e prestando servizo no corpo dos Bersaglieri.
Esgrimista de sona, dedicouse á actividade deportiva. O título de campión de Italia valeulle a promoción a capitán en 1897. Participou nos Xogos Olímpicos de 1908 en Londres logrando a medalla de prata en sabre por equipos. En 1910 ascendeu a maior. En 1912 participou na Guerra Italo-Turca, mandando un batallón do 11º Rexemento Bersaglieri, recibindo unha medalla de prata e unha de bronce ao valor militar. Durante a primeira guerra mundial comandou o 12º Rexemento bersaglieri e pola súa actuación na Segunda Batalla do Isonzo recibiu outras dúas medallas de prata e acadou o grao de xeneral. Despois do conflito acolleuse ao chamamento de Gabriele D'Annunzio a unirse á Impresa di Fiume, onde xa participaba un fillo seu.
No ano 1922 participou na Marcha sobre Roma, uníndose á Lexión Toscana. Dous anos despois foi promovido a tenente xeneral confiándolle o comando da Milicia Voluntaria para a Seguridade Nacional da Toscana.