Tebra, Tomiño
Santa María de Tebra é unha parroquia do concello de Tomiño na provincia de Pontevedra. Segundo o IGE,[2] en 2022 tiña 813 habitantes (409 homes e 404 mulleres). Situada ó norte do concello de Tomiño, fai límite cos concellos de Gondomar e Tui. Eclesiasticamente, pertence ó arciprestado da Guarda-Tebra, na diocese de Tui-Vigo.[3]
| Santa María de Tebra | |
|---|---|
 Igrexa de Santa María de Tebra | |
| Concello | Tomiño[1] |
| Provincia | Pontevedra |
| Coordenadas | 42°02′29″N 8°44′14″O / 42.041472222222, -8.7371388888889Coordenadas: 42°02′29″N 8°44′14″O / 42.041472222222, -8.7371388888889 |
| Poboación | 813 hab. (2022) |
| Entidades de poboación | 9[1] |
| [ editar datos en Wikidata ] | |
Patrimonio editar
Situados no monte Tetón atópanse uns petróglifos.
No lugar do Outeiro está situado o Castelo de Tebra.
Festas e romarías editar
As festas parroquiais teñen lugar entre o 6 e o 8 de setembro, na honra de Santa María.
A festa na honra da virxe de Grixó ten lugar o terceiro domingo de agosto, celebrándose unha romaría a carón da capela de Grixó[4]. Conta a lenda que ó lado desta capela apareceu a imaxe da Virxe, polo que esta foi construída. A virxe só está na capela ese día en concreto, e o resto do ano altérnanse entre o lugar de Cristelos (Barrantes) e Santa María de Tebra para gardala na súa respectiva igrexa. A romaría comeza pola mañá cando se oficia unha misa en cada igrexa e de cada parroquia sae unha procesión cara ao monte de Grixó. A xente pasa alí o día e a romaría está amenizada por dous grupos, un para cada parroquia. Ó final do día a xente baixa nunha nova procesión e á Virxe lévana a parroquia a que lle corresponde ese ano.
Galería de imaxes editar
-
Petróglifo de Portaxes no Monte Tetón. -
Lugares e parroquias editar
Lugares de Santa María de Tebra editar
| Lugares da parroquia de Tebra no concello de Tomiño (Pontevedra) | |
|---|---|
|
A Bandeira | O Carballal | Cimadevila | O Folón | A Igrexa | O Outeiro | A Pedreira | A Ponteciña | Samuelle |
Parroquias de Tomiño editar
Notas editar
- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ IGE (ed.). "IGE - Nomenclátor estatístico de Galicia" (en galego). Consultado o 26 de febreiro de 2023.
- ↑ "A GUARDA-TEBRA archivos". DIOCESE TUI-VIGO (en castelán). Consultado o 2023-09-13.
- ↑ Capela da Virxe de Grixó na páxina web colaborativa Patrimonio Galego.