Ruggell

Ruggell é un concello situado no extremo norte do principado de Liechtenstein. Contaba en 2010 cunha poboación de 2.001 habitantes.

Ruggell

Localización
47°14′42″N 9°32′00″L
Estado	Liechtenstein
Poboación
Poboación	2.295 (2019) (310,14 hab./km²)
Lingua oficial	lingua alemá
Xeografía
Superficie	7,4 km²
Altitude	433 m
Comparte fronteira con	Schellenberg Sennwald (pt) Gamprin Altstätten (pt)
Organización política
• Xefe do goberno	Ernst Büchel (en) (2007–)
Identificador descritivo
Código postal	9491
Prefixo telefónico	7010
ISO 3166-2	LI-06
Páxina web	ruggell.li

Xeografía

Vista de Ruggell.

Limita ao norte co municipio de Feldkirch (Austria), ao leste con Schellenberg, ao sur con Gamprin, e ao oeste con Sennwald (Suíza).

Lugares de interese

• O famoso carreiro de Weg alp rohr (Camiño ao tubo) percorre todo o perímetro dunha montaña ata chegar de novo á cidade. Desde 2009 creouse unha estrada que percorre o citado camiño.
• A igrexa de St Fridloin's atópase no centro da cidade e é a parroquia oficial da cidade de Ruggell.
• O río Rin pasa pola cidade e por el só pasa unha ponte: a ponte Rheinstrasse, que comunica Ruggell cunha autoestrada.

Comunicacións

Para chegar a Ruggell, basta con coller un autobús ou o tren que parte desde Schaan-Vaduz e que chega ata Schellenberg, a poboación máis próxima. Como a cidade é moi pequena, gran parte dela pódese realizar a bicicleta, xa que posúe múltiples carrís bici.

Deporte

A cidade é famosa polo FC Ruggell, un dos mellores equipos de todo o país, aínda que milita na sexta división de Suíza. Noutros ámbitos deportivos destaca o ciclismo, o esquí, o hóckey sobre herba e outros deportes de inverno. Ademais, a cidade de Ruggell ten un dos catro pavillóns deportivos de Liechtenstein (os outros están en Schaan, Vaduz e Balzers).

Véxase tamén

Ligazóns externas

• Sitio oficial do municipio de Ruggell (en alemán)