Rosa Cedrón
Rosa Cedrón, nada en Monforte de Lemos o 25 de outubro de 1972, é unha cantante galega e intérprete de violoncello, coñecida por ser a voz durante nove anos no grupo Luar na lubre, así como en colaborar en discos de músicos como Mike Oldfield.
 Cedrón no bicentenario do cemiterio de S. Amaro, 2012.  | |
| Biografía | |
|---|---|
| Nacemento | 25 de outubro de 1972 (51 anos) Monforte de Lemos, España |
| Datos persoais | |
| País de nacionalidade | Galicia |
| Actividade | |
| Ocupación | cantante |
| Membro de | |
| Xénero artístico | Música celta e folk |
| Lingua | Lingua castelá e lingua galega |
| Instrumento | Voz e violoncello |
| Páxina web | rosacedron.persona.co |
        | |
Traxectoria editar
Rosa Cedrón, que naceu en Monforte de Lemos, axiña se mudaría á cidade da Coruña. A súa vocación xa desde nena foi o violoncello, e pertenceu á Orquestra de Cámara Municipal da Coruña, e máis tarde foi profesora de música en Ferrol.
Luar na Lubre editar
Comezou a colaborar con Luar na Lubre, inicialmente como cellista, mais acabou sendo tamén vocalista e con gran fortuna, feito que observaría o coñecido músico Mike Oldfield convidándoa a participar na gravación de Tubular Bells III, así como o feito de incrementar o éxito do grupo de música folk.
Con Luar na Lubre, Rosa desenvolveu un amplo labor durante 9 anos: actuou nos mellores escenarios, gravou varios discos e recolleu premios de recoñecemento á súa música. Mentres tanto, simultaneou a súa intensa carreira con outros proxectos: as gravacións co grupo de música flamenca Barbería del Sur, a participación nas BSO de Blanca Madison ou Ilegal puxeron a proba a súa polivalencia.
En solitario editar
No ano 2005 deixa o grupo Luar na Lubre e a partir dese momento dedícase á súa carreira en solitario, publicando en 2007 o seu primeiro disco en solitario, Entre dous mares.
En 2010 sacou un disco xunto a Cristina Pato, Soas muller, encargándose ela da voz e Cristina do piano. En 2013 gravou o disco Cantando a Galicia con Paco Lodeiro e Sito Sedes, proxecto que ademais inclúe unha xira de concertos. En 2016 publicou Nada que perder, o seu segundo álbum en solitario.
No ano 2020 ten previsto lanzar o seu novo disco Nómade. O traballo conta coa produción de Sergio Moure, e a participación dos músicos Xavier Cedrón e o pianista Miguel Artus. Foi grabado no estudio Casa de Tolos.[1]
Discografía editar
Con Luar na Lubre editar
- Plenilunio (1997)
- Cabo do mundo (1999)
- XV Aniversario (2001)
- Espiral (2002)
- Hai un paraíso (2004)
En solitario editar
- Entre dous mares (2007)
- Nada que perder (2016)
- Nómade (2020)
En colaboración editar
- Soas muller (con Cristina Pato, 2010)
- Barlovento (con SonDeSeu, 2010)
- Mira hacia el cielo (no álbum Juguetes Rotos de Enrique Ramil, 2011)
- Cantando a Galicia (con Paco Lodeiro e Sito Sedes, 2013)
- Beiralúa (con SonDeSeu, 2018)
Notas editar
Véxase tamén editar
Ligazóns externas editar
- Páxina oficialArquivado 28 de outubro de 2012 en Wayback Machine.