Roland Ratzenberger

Roland Ratzenberger
	;
Biografía
Nacemento	4 de xullo de 1960 ; Salzburgo, Austria
Morte	30 de abril de 1994 (33 anos); Boloña, Italia
Causa da morte	Morte accidental (Fratura de crânio basilar (pt) )
Lugar de sepultura	Salzburgo
Datos persoais
País de nacionalidade	Austria
Actividade
Ocupación	piloto de Fórmula Un (1994–1994)
Lingua	Lingua alemá
Deporte	automobilismo
Traxectoria
Participou en
	24 Horas de Le Mans

Roland Ratzenberger, nado en Salzburgo o 4 de xullo de 1960 e finado en Imola o 30 de abril de 1994, foi un piloto de automóbiles de Fórmula 1 austríaco. Faleceu tras un accidente nas clasificacións do Gran Premio de San Marino de 1994 en Imola, a mesma carreira na que posteriormente perdeu a vida a piloto brasileiro Ayrton Senna.

Le Mans editar

En 1989 pilotou nas 24 Horas de Le Mans por primeira vez. Compartiu o Porsche 962 do equipo Brun Motorsport con Mauricio Sandro Sala e Walter Lechner, retirouse na terceira hora.

Correu nos seguintes catro Le Mans, novamente con Brun en 1991 e co equipo de ADR en 1990, 1992 e 1993. O seu mrllor resultado chegou en 1993, cando xunto a Mauro Martini e Naoki Nagasaka terminaron quintos nun Toyota 93 CV.^[1]

Fórmula Un editar

Na tempada de 1994, finalmente logrou a súa ambición de converterse en piloto de Fórmula Un, firmando un contrato de cinco carreiras co novo equipo Simtek^[1] dirixido por Nick Wirth.

A súa campaña comezou cun mal inicio no Gran Premio do Brasil de 1994 en Interlagos, onde non puido clasificarse. Pero chegou á grella na seguinte rolda no Circuíto Internacional Tanaka en Aida, Xapón, xa que a súa experiencia na pista logo dos seus días nas carreiras de turismo era o único piloto no circuíto que pilotara antes neste circuíto. Terminou 11º.^[1]

Morte editar

Ratzenberger, antes do seu accidente mortal no Gran Premio de San Marino de 1994.

Ratzenberger morreu durante a cualificación do Gran Premio de San Marino de 1994 no Autódromo Enzo e Dino Ferrari o sábado 30 de abril de 1994. Saírase da pista na volta anterior, danando a súa á dianteira, pero no canto de entrar nos boxes, continuou, xa que estaba competindo polo posto final da grella.^[2] A alta velocidade na recta, e, polo tanto, a alta forza aerodinámica xerada, finalmente rompeu a á, enviándoa debaixo do coche. O seu coche non puido virar na curva Villeneuve e golpeou contra o muro exterior a 314´9 km/h.^[3]

Ratzenberger foi declarado morto ao chegar ao hospital Maggiore en Bologna, trasladado aí desde o centro médico do circuíto de Imola, onde fora inicialmente trasladado desde o lugar de choque nunha ambulancia. A causa da morte foi unha fractura de cranio basilar.

Curva Villeneuve, a localización do accidente mortal de Ratzenberger. Ayrton Senna morreu ao día seguinte na mesma curva.

Ratzenberger foi o primeiro piloto de carreiras que perdeu a súa vida nun fin de semana de gran premio desde a tempada 1982 de Fórmula Un, cando Riccardo Paletti morrera en Canadá no Circuíto Gilles Villeneuve. Ratzenberger tamén foi o primeiro piloto en morrer nun coche de F1 desde Elio de Angelis durante unha proba en 1986.

Bernie Ecclestone persuadiu ao equipo Simtek para participar na carreira o día seguinte para superar o choque. En sinal de respecto, o lugar de Ratzenberger na grella de saída quedou baleiro. O compañeiro de equipo de Ratzenberger, David Brabham, retirouse logo de 27 voltas.

A súa morte tivo un legado duradeiro. O 1 de maio de 1994, durante o briefing habitual dos pilotos, os pilotos restantes acordaron a reforma da Asociación de pilotos de Gran Premio, con Senna, Gerhard Berger e Michael Schumacher como os seus primeiros directores. A asociación meteu presión a continuación para mellorar a seguridade dos automóbiles e dos circuítos como consecuencia do acciedente de Imola e outros graves accidentes durante a tempada de 1994, en 2003, a FIA impuxo o uso do dispositivo HANS, deseñado para evitar o tipo de ferida que sufriu Ratzenberger.^[4]

Cando os comisarios de pista examinaron os restos do automóbil de carreiras de Senna, atoparon unha bandeira austríaca. Senna planeara levala logo da carreira, na honra de Ratzenberger.^[5]

O presidente da FIA, Max Mosley, asistiu ao funeral de Ratzenberger, a pesar da abafadora atención do funeral de Senna, tanto no mundo do automobilismo como no mundo. Nunha conferencia de prensa, dez anos máis tarde, Mosley dixo: "Roland foi esquecido. Entón fun ao seu funeral porque todos foron ao de Senna. Pensei que era importante que alguén fora ao seu".^[6] Outros membros da comunidade de Fórmula 1 que asistiron foron Johnny Herbert, Heinz-Harald Frentzen e compatriotas de Ratzenberger Karl Wendlinger e Gerhard Berger, foron os únicos catro pilotos de F1 que asistiron.^[7] Ratzenberger debía pilotar máis tarde ese ano nas 24 Horas de Le Mans para Toyota. Eddie Irvine tomou o seu lugar no equipo e o nome de Ratzenberger quedou no coche (o que sería o segundo na xeral) como homenaxe.

Ratzenberger está enterrado en Maxglan, Salzburgo, Austria.

Rexistro de carreiras editar

Resultados completos no British Touring Car editar

(key) (Carreiras en grosa indican pole position – 1982–1990 na súa clase) (Carreiras en cursiva indican volta rápida – outorgábase 1 punto – 1989 na súa clase)

Ano	Equipo	Coche	Clase	1	2	3	4	5	6	7	8	9	10	11	12	13	Pos	Pts	Clase
1988	Demon Tweeks	BMW M3	Clase B	SIL	OUL	THR	DON Ret	THR 8	SIL 16	SIL Ret	BRH	SNE	BRH 11	BIR C	DON 13	SIL 9	13º	26	4º

Resultados nas 24 Horas de Le Mans editar

Ano	Equipo	Co-pilotos	Coche	Clase	Voltas	Pos.	Clase Pos.
1989	Brun Motorsport Alpha Racing Team	Maurizio Sandro Sala Walter Lechner	Porsche 962C	C1	58	Ret	Ret
1990	Toyota Team SARD	Pierre-Henri Raphanel Naoki Nagasaka	Toyota 90C-V	C1	241	Ret	Ret
1991	Team Salamin Primagaz Team Schuppan	Eje Elgh Will Hoy	Porsche 962C	C2	202	Ret	Ret
1992	Toyota Team Tom's Kitz Racing Team with SARD	Eje Elgh Eddie Irvine	Toyota 92C-V	C2	321	9º	2º
1993	Y's Racing Team Sard Co. Ltd.	Mauro Martini Naoki Nagasaka	Toyota 93C-V	C2	363	5th	1º

Resultados completos na Fórmula 3000 xaponesa editar

(clave) (Carreiras en letra grosa indican pole position) (Carreiras en italica indican volta rápida)

Ano	Equipo	1	2	3	4	5	6	7	8	9	10	11	Pos.	Puntos
1990	Team Noji International	SUZ NSC	FUJ Ret	MIN Ret	SUZ	SUG	FUJ	FUJ Ret	SUZ 15	FUJ NSC	SUZ		NC	0
1992	Stellar International	SUZ NSC	FUJ 13	MIN 3	SUZ Ret	AUT Ret	SUG 4	FUJ Ret	FUJ 4	SUZ 1	FUJ 25†	SUZ Ret	7º	19
1993	Stellar International	SUZ Ret	FUJ 10	MIN Ret	SUZ 6	AUT C	SUG 16	FUJ C	FUJ 3	SUZ 6	FUJ 14	SUZ 7	12º	6

† non terminaron a carreira, pero se clasificaron ao completar máis do 90% da distancia de carreira.

Resultados completos na Fórmula Un editar

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	12	13	14	15	16	Pos.	Puntos
1994	MTV Simtek Ford	Simtek S941	Ford V8	BRA NSC	PAC 11	SMR NTS	MON	ESP	CAN	FRA	GBR	ALE	HUN	BEL	ITA	POR	EUR	XPN	AUS	NC	0

Notas editar

↑ ^1,0 ^1,1 ^1,2 "Who's Who: Roland Ratzenberger". F1Fanatic.co.uk. 2006. Consultado o 21 de decembro de 2006.
↑ "Remembering Roland"Biographies, F1rejects.com Arquivado 24 de outubro de 2004 en Wayback Machine.
↑ "10 most striking Formula One crashes ever". automotoportal.com. 7 de xuño de 2006. Arquivado dende o orixinal o 18 de outubro de 2012. Consultado o 30 de decembro de 2007.
↑ Jeff Pappone (17 de febreiro de 2011). "Fastest sport is slow to implement safety measures". The Globe and Mail. Arquivado dende o orixinal o 19 de febreiro de 2011. Consultado o 21 de febreiro de 2011.
↑ Longmore, Andrew (31 de outubro de 1994). "Ayrton Senna: The Last Hours". The Times. p. 30. Volta á pista, nos restos destruídos do automóbil de Senna, descubriron unha bandeira austríaca dobrada que Senna tiña a intención de dedicar na súa 42ª vitoria nun gran premio á memoria de Ratzenberger.
↑ "Max went to Roland's funeral". GPUpdate.net. 23 de abril de 2004. Consultado o 1 de febreiro de 2011.
↑ Majendie, Matt (30 de abril de 2014). "Formula One's forgotten man: 20 years on from the death of Roland Ratzenberger". CNN. Consultado o 14 de xuño de 2014.

Véxase tamén editar

Ligazóns externas editar

Memorial website Arquivado 12 de xuño de 2008 en Wayback Machine.. (en alemán)
L'incidente di Imola. (en italiano)
F1 Rejects – a further tribute to Ratzenberger
F1 Fanatic Who's Who: Roland Ratzenberger
Roland Ratzenberger's fatal crash

[ratzenbergerf1fbio-1] 1,0 ^1,1 ^1,2 "Who's Who: Roland Ratzenberger". F1Fanatic.co.uk. 2006. Consultado o 21 de decembro de 2006.

[2] "Remembering Roland"Biographies, F1rejects.com Arquivado 24 de outubro de 2004 en Wayback Machine.

[3] "10 most striking Formula One crashes ever". automotoportal.com. 7 de xuño de 2006. Arquivado dende o orixinal o 18 de outubro de 2012. Consultado o 30 de decembro de 2007.

[4] Jeff Pappone (17 de febreiro de 2011). "Fastest sport is slow to implement safety measures". The Globe and Mail. Arquivado dende o orixinal o 19 de febreiro de 2011. Consultado o 21 de febreiro de 2011.

[5] Longmore, Andrew (31 de outubro de 1994). "Ayrton Senna: The Last Hours". The Times. p. 30. Volta á pista, nos restos destruídos do automóbil de Senna, descubriron unha bandeira austríaca dobrada que Senna tiña a intención de dedicar na súa 42ª vitoria nun gran premio á memoria de Ratzenberger.

[6] "Max went to Roland's funeral". GPUpdate.net. 23 de abril de 2004. Consultado o 1 de febreiro de 2011.

[7] Majendie, Matt (30 de abril de 2014). "Formula One's forgotten man: 20 years on from the death of Roland Ratzenberger". CNN. Consultado o 14 de xuño de 2014.

[1]

[2]

[3]

[4]

[5]

[6]

[7]